الطّيب لو ينباع نشريه بفلوس = كل ما عتق أو قل نشري بداله
الطيب عند الناس بيّن ومحسوس = ما هوب شربة بن ولاّ بيالــه
الطيب هو جملة مشاعر بالنفوس= الله جمعها عند راعي الجماله
كم تاجرٍ يملك ولا فيه ناموس = وهو ردي ماتهنّى بمالـــــــــــه
لاغاب حطوا به مناشير وضروس = وليا حضر محد يداني قباله
وكم واحد بيته من الطين والخوس = كريم طيّب قام باللي عنا له
يفزله من كان بالباب وجلوس = من طيبته شرّف عمامه وخاله
أدّب ولدك وعلّمه بعض لدروس = وهو صغير لا تزوّد دلالـــــــــــه
ترى الدّروس تفيد من قبل ليبوس = لا شد عوده ما تجوّد حباله
النّاس مخلوقه من أشكال وجنوس = من طاب منها طيّب الله أفعاله

كحيلان
لك كل الشكر اخوي على الابيات
الرائعه كروعة حضورك وابداعك
فبارك الله في جهودك والله يعطيك
الف عافيه وننتظرجديدك

صح السانك

يعــــطيك العـــافية

على البوح الرائـع

لاعــدم هـــذا التمــيز

ســلمت يــداكـ

رآئعَةٌ تِلْكَ السطور التِّي تتَوهج بِـ الإِبدآعْ
دمت بخير .