المساعد الشخصي الرقمي

مشاهدة النسخة كاملة : ابوك خالك اختك اخوك ماضيك ربعك جميع الناس وعيال عمك


الشراحيلي المهاجر
04-30-2010, 11:45 PM
تعبت أشيـل الهم عنك وأداريك
وإنت همومـي ثقلهــا مـا يهمِك


لا يا ( حبيبي) .. الزمن لا يخليك
تقسى على قلبي وتسقيه سمِك


دنيـَاك هذي لا تغير مباديك
مهما إستطعت الظلم إعدل بحكمك


ما هي غريبه من يذمك يماشيك
لكن غريبـــه يمدحك من يذمك


ما كل واحد غاب معناه ناسيك
بعض البشر ينساك لو كان يمِك


أدري تعزني اللـه يعز غاليك
وإن كان لـي عندك معزه بضمك


في خاطري كم كلمه عن تجافيك
وإن شفت دمعاتي إنزلت حط كمك


إسمك حبيبي ويا كثرها أساميك
وقلبي يفز لا جابوا الناس إسمك


ليتك تحس في ضيقتي يوم أحاتيك
أحرق لك أعصابي وما حس دمك


غايب بدون أعذار ربِي يجازيك
عطني سبب مقنع حبيبي وألمك


همك , جنونك , ضحكتك , كل ما فيك
صوتك , سكوتك , وأرجع أقول : ( هـمك )


[ لبيــه ] منك غير .. لما أناديك
كن الكلام العذب مرساه فمك


مهما غلوك قلوب ناس حوالــــيك
أغليك أكثر منهم بس لعلمك


أبوك , خالك , إختك , أخوك , ماضيك
ربعك ، جميع النـاس وعيـــال عمك


شايف غلاهم لك ؟ أكثر أنا أغليك
واللِي وصل نص الغلا يمكن أمك

اسير الصمت
04-30-2010, 11:52 PM
الشراحيلي المهاجر
سلمت اخوي وسلم نبض قلبك
على الابيات الرائعه فلك مني كل
الشكر وبارك الله في جهودك ودمت
ودام ابداعك والله يعطيك العافيه

ابوعبدالرحمن
05-02-2010, 01:25 AM
اخي/الشراحيلي المهاجر
الله يعطيك الف عافيه على طرح هذه القصيده
الجميله والابيات الروعه والكلمات الراقيه
سلمت الانامل الماسيه وسلم نبض قلبك
التميز حليفك دام تميزك وتألقك وابداعك
اختيار موفق ونقل رائع
تقبل شكري وتقديري
لك خالص ودي وحبي

الشراحيلي المهاجر
05-02-2010, 01:42 AM
http://imagecache.te3p.com/imgcache/fbea0f7fcecb37dcb15de5c956caace8.gif
يُسلموووووووووووووو
ع الْمَرْوْر الْرَّائِع وَالْجَمِيل
مِنَوِرِيْن مُتَصَفِحِي بِتَوَاجُدِكُم لَا عِدَمْنَا تَوَاجُدِكُم
تَمَنِّيَاتِي لِلْجَمِيْع بِالتَّوْفِيْق
انْتَظِرُو الْجَدِيْد الْقَادِم
الشَرَاحِيلَي الْمُهَاجِر
http://imagecache.te3p.com/imgcache/699284a2f39c50dde7fa732b93147124.gif