ياغالية متعاليـة يالـورد يـا فـوح الزهـــور
ياللي جبينك في ظلام الليـل يبعثلـي شعـاع

مدري متى نفهم بعض فالحب وتزيـن الامـور
وتذوب كل المشكلـة تدريـج ويفـض النـزاع

ان كان تبغين الفرح جيتك وانـا كلـي سـرور
اليا قعـدت اخاطبـك اصغـي الـيّ الاستمـاع

ابغاك دايـم واعيـة عنـدك درايـة بالعبــــــور
بأحلى كلام(ن) منتقى استرسلـي دون انقطـاع

وقري مشاعر صادقة واحساس من بين السطور
تعبير قلب(ن) صافي(ن) يكره اساليب الخـداع

واليا كتبت الشعر ماهو ود في حـب الظهـور
قصدي مؤشر حبنـا يطغـى عليـه الارتفــــــاع

تعبت اصارع يازمن غرقـان فأمـواج البحـور
وحيد في مركب غلا من غير مجداف وشـراع

ياغاليـة كلـك حـلا يالنـور يابـدر البـــــــدور
ابنتظـر لحظـة لقـاء والا مـرارات الـــــوداع

انا شرحت السالفة بإيجاز مـا فيهـا قصـــــور
رسمتلك خـط الغـلا وانتـي عليـك الاقتنـــــاع

م/ن

ابو عبدالرحمن
قصيدة جميلة جدا اعجبت بها
كثيرا فلك مني كل الشكر والتقدير
عبده الاعجم

اخي/عبده الاعجم
تشرفت بمرورك الاكثر من رائع
الف شكر على هذا المرور العطر
تقبل شكري وتقديري
لك خالص ودي وحبي

ابوعبدالرحمن
لك كل الشكر اخوي على القصيده الرائعه
كروعة حضورك وابداعك فبارك الله في
جهودك ودمت ودام تواجدك والله يعطيك
العافيه

اخي/اسيرالصمت
تشرفت بمرورك الرائع الجميل
نورت صفحتي بهذا المرورالعطر
تقبل شكري وتقديري
لك خالص ودي وحبي