السلام عليكم ورحمة الله وبركاته
حبيت اطلعكم على هذي القصيده التي هزت مشاعري وحنيت للكرامه العربيه<<

للشاعر الأمير

>خالد الفيصل<

حنا العرب يا مدعين العروبة
و حنا هل التوحيد وانتم له اجنـاب
و حنا شروق المجد وانتم غروبـه
وحنا هل التاريخ و أنتم به أغراب
يوم الفقـر شلتـوا علينـا عيوبـه
واليوم عقب النفط جيتوا لنا أنساب
ويوم الفقر فينـا البـداوة سبوبـة
واليوم صرتوا مثلنا بدو واعـراب
لو الهـوى منكـم منعتـم هبوبـه
لا شك رزاق الملا رب الأربـاب
و لو المطرمنكم منعتـم صبوبـه
لا شك رزق الخلق من عند وهاب
جيش الحسد سقتوا علينـا حروبـه
كل يبي يزرع على جسمنـا نـاب
حرب على المحسن تراها عقوبـة
بالله عساكم مـا تفيـدون حـراب
ياما عطينـا مـا نـدور مثوبـه
الا من اللى من ترجاه مـا خـاب
و ياما نصرنا صاحب ضيقوا بـه
عاداتنا نقدم الى ما لـردى هـاب
و ياما نصانا من تعثـر دروبـه
يدخل حمانا من تعذرها الأصحاب
حنـا بنينـا دارنـا مـن طيوبـه
و انتم سلبتوا داركم كل ما طـاب
الله سقانـا مـن بحرنـا عذوبـه
و انهاركم مثل البحر هدر تنسـاب
حنا زرعنا الحب بارض خصوبه
و أنتم زرعتوا كره الأجيال بتراب
وحنا دعينا السلـم نوبـه ونوبـه
وانتم حمام السلم بعتـوه بغـراب
يا من دعا للحرب ما ادراك خطوبه
لا تحسب أن الحرب تهديد وخطاب
من شب نار الحرب يصلى شبوبه
ومن ثور الفتنة تعرض للأسبـاب
ما يستر الرجـال ملبـوس ثوبـه

والله انه كفووو

ومشكوووور والله يعطيك العافيه

(والله أحبك)

احبك الله كما احببتنا .. ونت برضو كفوا .. وطلتك غالية.. والله يعطيك العافية. اشكر لك مرورك .

قصيده رائعه من اختيار شخص اروع
تقبل فائق احترامي وتقديري

شـكــ وبارك الله فيك ـــرا لك ... لك مني أجمل تحية .

هلا والله بسيف الهلال
صح السان قايلها
وتسلم يد ناقلها
وعين قاريها
اشكرك كل الشكر على
هالابيات الرائعة بورك فيك

اشكر كل من رد كل بأسمة ...دمتم بخير

شاعر مبدع صح لسانه الامير
والله يسعدك على طرحها هنا
وانتظر جديدك القادم

شـكــ وبارك الله فيك ـــرا لك ... لك مني أجمل تحية .