اخر رسالـة ود تكتـب يمينـي
قبل الرحيل المر قبـل الحسايـف
ارجوك ياعذب اللمى سامحينـي
ما دام انا من سيرة الحب خايـف
ناديت من قلبي عسى تسمعينـي
لاتحسبيني يوم صديـت عايـف
صوتك يسبب مشكلـه صدقينـي
حتى ولو بين القلـوب الولايـف
اقولها مـن جـد بينـك وبينـي
ياهو مصيبه همس ذيك الشفايف
لو تنطقي حرفين تسحر فطينـي
وش لون عاداهل العقول الخفايف
حسنك سلب عقلي وبيح كنينـي
ماعدت غيرك ياريش العين شايف
الزين لفك مـن شمـال ويمينـي
قليل في حقك حسين الوصايـف
مافيك عيب وكل مابـك حسينـي
فيك الحلا والحسن طاغي وكايف
طلبت ربي فـي فراقـك يعينـي
ماعاد بي حيلٍ يطيـق الكلايـف
وان كان جيتك جنبي واتركينـي
لاني اعرف القلب يمـك مهايـف
لاتذكريـن الحـب لاترحميـنـي
خليني اصبـر تاليتهـا خفايـف
حتى بمنامي حاولـي ماتجينـي
ردي طيوفـك لاتجينـي ردايـف
واذا صحيت انسى عناي وحنيني
واحاول انسى حب ناب الردايـف
حتى ولو جوي تعكـر ..يزينـي
واعيش جوٍ مثل جو المصايـف
هذا قـراري راضـيٍ مايجينـي
من عقب عديت الطوال النوايـف
شم الجبال اللي حجاها حصينـي
عديتها وهمـوم قلبـي لفايـف
في مرقبي راجعت ماضي سنيني
واخذت عبره من ليـالٍ طوايـف
درب الهوى يابنت ماله ضمينـي
ياكثر مابه من علـوم وطرايـف
في سيرة العشـاق سـرٍ دفينـي
تلقى بعضهم مع بعضهم حلايـف
نهارهم مابيـن شـوق ونينـي
وليلاتهم مابين ساهـر وحايـف
حال الهواوي مثل حال السجينـي
دايم على خده دموعـه ذرايـف
الشوق جمره بالحشـا تبتلينـي
تحرق معاليق الضلوع النحايـف
ابيـك والله وادري انـك تبينـي
بس اجزمي خلاص ماني برايـف
يكفـي دلـع بالله لاتحرجيـنـي
قلت الك انا من سيرة الحب خايف
بودعـك يافاتنـي واذكريـنـي
اذا قريتي هاجسـي بالصحايـف
هذا جوابـي قـدري و اعذرينـي
وانسي مع الايام ماكـان طايـف

http://www14.0zz0.com/2010/07/13/16/742682321.gif (http://www.0zz0.com/)
اخي/ابو يحي
الله يعطيك العافيه على طرح هذه القصيده
الجميله ابيات روعه وكلمات اروع وحروف
ذهبيه واحساس راقي ومشاعر مرهفه سلمت
الايادي وسلم نبض قلبك مبدع دام ابداعك وتألقك
ننتظر جديدك بكل شوق اهنئك على اختيارك
الموفق والنقل الراقي تقبل شكري وتقديري
لك خالص ودي وحبي
http://www6.0zz0.com/2010/07/13/16/495694395.gif (http://www.0zz0.com/)

رآآآآق لي مآآآآآرق لك يالغــلآ
الله يعطيك الف عافيه على روعه طرحك
وانتقائك ..
في انتظار جديدكـ القادم
دمتم بسعادهـ

http://www.stocksvip.net/p/af/%2831%29.gif
!|(ابويحيى)| !
اشكرك اخوي على روعة ماطرحته
ابيات في قمة الجمال
فبارك الله في جهودك
ودمت ودام ابداعك
وبانتظار جديدك
ودمت بحب وسعاده

http://www.al-qatarya.org/qtr/qatarya_5FnyX3UoUa.gif
اشكركم على هذا الموضوع الرائع
دمتم بكل خير ومحبة
ولكم ودي وعبير وردي

عابرسبيل