مسكين راعي الودمظلومن
لعدهني زادن ولا نومــــــن
والهم جوف الصدرمكتومن
والعين تدمع طولة امليلــه

لوالودجوف القلب مرسومن
هدالوضع فلوضع محسومن
والحي لوقسمه ومقسومن
وكل خيالن معه خيله

شربت كاس الحب مسمومن
وجلس طوال العمرمهمومن
ملزوم اماشي الود ملزومن
وقول ياويل امقلب ويلـــــــه

بعض الموده علمهااعلومن
وطريقهاواضح ومعلومن
ونحمدالله عادنااسلومن
والقلب صادق مامعه حيله

قلبي رمي وبعدت اسهومن
والحب لوتصريح مفهومن
يخلي المخلوق موهومــن
حمل الهواثقيل في شيلــه

راعي الهوى سايهجم اهجومن
ويسري بضوح الشهروانجومن
مره يسلم ومره مرجومن
ومتخوفن لاتلحقواجليله

الحب لوديوان مرقومـــــــن
ومفعلن فمقلب مدعومـــــن
والشوق لوبراق وغيومــن
والهجرمن تصنيف تحليلـه

بعض الهوى والحب محتومن
مثل العسل من سوق مختومن
وفي القلب مختوم بختومن
مايختلف في ظله وتظليله

ياصاحبي ذي الحظ مشـــؤمن
من امشرب ومزادمــــعذومن
ولاسليت الهم لويــــومـــــــن
بسباب عاضي امجعدومشيله

نظرت انا ســالم ومسلومن
لكن روحي قالا لي اسلومن
يازينها عـــــادات وسلومن
ماليوم راحــــن كل حلّيلّه

مسكين راعي الودمحمومن
متجرعن من كاس مسمومن
ياصاحبى سايبتلى المومن
والعبد لو معبود يشكيله

راعي الولع فمقلب موسومن
وايلى بكا باماعلو لــــــــومن
على الهجر والبعدمعسومــن
متهبلن قدزاد تهبـــيــــلــــــه

باكان لي فالتولعه احلومن
قلبي تولع صــــار مثلومن
وفي الهوى والود مكلومن
ومقلب كم قد قلـت ياحليله

راعي المحبه قوله منظومن
لاكن حقه قدها مهظومن
يبكي وهم القلب مكظومن
والدمع قدبلل مناديله

من الخطا ماالحي معصومن
مها ملك منزل وملـــــهومن
والعمرمهما طال مخصومن
والحي سايمشي مع جيلـــه

قلب المولع مهامهزومن
بلحب ملتزمن ومزومن
يوفي مع المحبوب والزومن
ماتختلف جمعت اقاويله

ياحــــوميه واعيانها حومن
ومقلب قد ضاقه ومزحومن
مرحوم ياذا الروح مرحومن
لك في الهوى جوله وتعليله

من امصفرذي القلب مصدومن
قصرالمحبه بات مهــــــــدومن
والصدق اصبح شبه معدومـن
وانحن على الميعادوصيـــــله

على جعودو طيب مردومن
وجالتـــو خــادم ومخدومن
من ينظرو يقـــول مسدومن
شافَ الحلا زايـــد وتدليله

اهل المحبه ناسن اقرومن
لاكن راعي الود محرومن
متغرمن لوكان مغرومن
مافكرى في اهله واجاهيله