ضحيت في حبك على شان دنياك
يمكن تحصل عقب عيني سعاده
من كثر ما احبك واقدرك واهواك
راضي فبعدك دام قربي نكاده
حاضر على امرك وانا ما اتعداك
مدام قلبي يريحك في بعاده
الله معك لكن ما اظن يخفاك
جرحي كبير وصعب والله ضماده
البارحه وامس وقبل امس وياك
واليوم تتركني طريح الوساده
اعاني جروح سببها سواياك
والليل عندي صار صعب رقاده
والله احبك واعشقك واتمناك
وما ابالغ ان قلت عشقك عباده
اذكر تراني عايش لك وذكراك
وحبك مع الايام يكبر وداده
انت الذي اخطيت واعلنت فرقاك
وسليت سيف الهجر قصدك سياده
فكر وشوف عنادك لوين وداك
ماهمك الا كسر قلبي وعناده
زدت الهموم وزدت حتى خطاياك
واصبحت بالفرقا مستعجل زياده
هذي وصية صاحبك يوم وصاك
خذها قبل يرحل وقبل ابتعاده
ماهوب انا اللى لازعل يطلب رضاك
الحق واضح مايبيله شهاده
ابيك تعرف فرق هذا وهذاك
وابيك تفهم فالبياض وسواده
هذا الوداع اللى تبي ابشر وجاك
اقولها من طيب قلب وإراده
الله يسهل لك دروبك ويرعاك
وعقبي عساك تعيش دوم بسعاده

عشق الورد

يعطيك العافية على جهودك
ودام هذا الابداع
واصل تميزك
ولك خالص تحياتي .

روووووعه رووووعه روووووعه

بانتظار جديدك

http://up7.up-images.com/up//uploads/images/images-b93068204e.gif (http://fashion.azyya.com/)
اخي/عشق الورد
الله يعطيك العافيه على هذا الطرح
الرائع الجميل قصيده روعه وابيات
اروع وكلمات معبره وحروف ذهبيه
واحساس راقي ومشاعر مرهفه سلمت
الايادي وسلم نبض قلبك اختيار موفق
راقي تقبل شكري وتقديري
لك خالص ودي وحبي
http://up7.up-images.com/up//uploads/images/images-165a222924.gif (http://fashion.azyya.com/)

http://www.nsaayat.com/up/uploads/nsaayat5419c8daf1.gif
شكرا لكم على هذا الموضوع الرائع والجميل
وفقكم الله تعالى ولكم ودي وعبير وردي

عابرسبيل
http://www.nsaayat.com/up/uploads/nsaayat70dfe25e06.gif

http://zyzoom.net/annass/kingooo/smiles/THANK%20YOU/9%20%2865%29.gif