اشواق وفراااق


فيني خليط اشواق مع لوعة افـراق

اعيشهـا مابيـن ضايـق ورايـق

فيها الغلا مع صادق الـود ينسـاق

وفيها الغموض اللي يشب الحرايـق

للي غيابـه محرقـاً قلبـي احـراق

شحت على وصله جميـع الطرايـق

قربه مسافه ينثني دونهـا السـاق

وبعده حسافـه تستبيـح الوثايـق

من وين مدري كيف تجميع الاشواق

لا صار في دربـي ثمانيـن عايـق

ظلم البشر مغرور والوقـت سـراق

والصبـر للمحتـار ماهـو بلايـق

سواد لليلي مارحم طيف الاشـراق

اغتالت الضلمـا شمـوع الحدايـق

اكتب وجف الحبر في عيون الاوراق

يالله دخيلك مـن عيـون الخلايـق

ياعاذل المجنون من خاطـراً ضـاق

هون ترى المجنون ماهـو بفايـق

والله تبي تشتاق لو منـت مشتـاق

لا شفت من بعض الحقايق حقايـق

وتصير كلك كومة اشـواق وفـراق

وتعيش مثلي بين ضايـق ورايـق

http://www.nsaayat.com/up/uploads/nsaayat13d35fb299.gif

كلمات رووعة
تسلم ما ننحرم من
جديدك تقبل مرووري..

أخي (( أبوإيــــاد ))

بارك الله فيك على الإبداع الرائع قصيدة في منتهى
الروعة أبيات رائعة وسطور منظمة وحروف ذهبية
سلمت يداك على النقل الرائع والمذهل دمت يا أخي
أبوإياد ودام إبداعـك تقبل مروري ولك أجمل تحيـاتي


أخوووك (( أبوغــــــــلااااء ))

http://imagecache.te3p.com/imgcache/6b69121ad81ba6c6ef2f571fdb8dc927.gif
ابواياد
اشكرك اخوي على روعة ماطرحته
ابيات جميله ورائعه

لاخلى ولاعدم
وبارك الله في جهودك
ودمت بهذا التألق والتميز
وعساك على القوه
ودمت بحفظ من الرحمن
والله يعطيك العافيه

ابو اياد

اشكرك على طرحك الرائع

تقبل مروري

ولك ودي واحترامي

سراب

شكرا على المرور الرائع .