احساس
11-27-2011, 12:47 PM
انتي نامي
مو مهم انك رميتي
قبل شوي جمرك
بين جفون العين
وبغفوة منامي!
نامي
لايهمك إن قلبي
كان قبل شوي في مرمى سهامك
وكان حبك متّقي..ضربة سهامي!
لا يهمك لو يموت قلبي
على سدرة أمانك
وفرحتي.. وهديل حمامي!
لايهمك صبحي المذبوح
واحزاني
وظلامي!
انتي نامي
لايهمك مُر بمراية كلامي
لاعتب قلبي عليك
لا.. ولا حنظل ملامي
نامي بسم الله على حلمك
من اشواك الأرق
ومن عطش صحرا الورق
ومن ألم فالقلب دامي
نامي.. يالليه
من كتبت اسمك محيت من نخيل الذاكرة
كل الأسامي
ومن رسمتك غيم في عمري وانا
بموت ظامي !
نامي
لا يصحّي غفوتك
صوت الضمير
أو تقولي حزني منك
ولاّ من قاسي كلامك
لا يا عمري
«ربَّ حزنٍ»
يقتل ابن آدم كذا..
من غير رامي!
نامي
انتي ليلك يا بعد عمري قصير
أما ليلي .. في مدى عيني امتنامي
يمدي لو بنام باكر
ولا بعده
ولا لما اطوي آخر صفحة في قصة هيامي
المهم ان انتي / نامي !
تحرسك ملايكة شوقي وغرامي
يحرسك قلبي اللي لك
يعلن وفاه
كل ما اعلنت
انتي نـامِي !
انهزامي !
مو مهم انك رميتي
قبل شوي جمرك
بين جفون العين
وبغفوة منامي!
نامي
لايهمك إن قلبي
كان قبل شوي في مرمى سهامك
وكان حبك متّقي..ضربة سهامي!
لا يهمك لو يموت قلبي
على سدرة أمانك
وفرحتي.. وهديل حمامي!
لايهمك صبحي المذبوح
واحزاني
وظلامي!
انتي نامي
لايهمك مُر بمراية كلامي
لاعتب قلبي عليك
لا.. ولا حنظل ملامي
نامي بسم الله على حلمك
من اشواك الأرق
ومن عطش صحرا الورق
ومن ألم فالقلب دامي
نامي.. يالليه
من كتبت اسمك محيت من نخيل الذاكرة
كل الأسامي
ومن رسمتك غيم في عمري وانا
بموت ظامي !
نامي
لا يصحّي غفوتك
صوت الضمير
أو تقولي حزني منك
ولاّ من قاسي كلامك
لا يا عمري
«ربَّ حزنٍ»
يقتل ابن آدم كذا..
من غير رامي!
نامي
انتي ليلك يا بعد عمري قصير
أما ليلي .. في مدى عيني امتنامي
يمدي لو بنام باكر
ولا بعده
ولا لما اطوي آخر صفحة في قصة هيامي
المهم ان انتي / نامي !
تحرسك ملايكة شوقي وغرامي
يحرسك قلبي اللي لك
يعلن وفاه
كل ما اعلنت
انتي نـامِي !
انهزامي !