مدخل




عطني بعضي !!


صعبه .. تاخـذ كلّي


وابقى بدون شي ..!؟


ولاّ اقولك :


لا نويت انك خلااااااص


ما ترجعني لنفسي


مرّني .. وطمّني اني طيّب


وللحيــن حــي ..!


كنت قبلك شخص عادي !


لا احب .. ولا ابوح


يعني خذها بأختصار :


ما عندي اية فكره عن سر الموالف


كنت حتى ما اعْرف شمعنى : قلب


إلاّ من بعض السوالـف ..!


كان حدّي لا زهـقت


ادخل بمخباي .. يدّي


واجلس اصفـّر للجروح ..!؟


تصدّق انّي :


كنت جداً طيّب


وجداً مزوح


يووووه لامني ذكرت


شلون كنت


قبل اعْرف شلون .. ياخذني العشق


وتنهيني انت ..!؟







انت احبّك .. وادري انّك لو بعدت .. تحبّني

وادري ان باطنك للما .. وظاهرك يم السحاب




شف هربت من الزمان وجيت .. تكفى خبّني
وخلّني داخلك عاري..ونت دوّر لي ثياب!!




كم مدحني شخص .. واثره من وراي يسبّني
وما طرالي والله ادفن ذمـّتي .. تحت التراب !؟




تدري .. !؟ صعب الهم وحده يقدر انّه يطبّني
إلا في حالة : ذكرتك .. ينفــتح له الف باب




شفني فاضي .. وانت دامك ممتلي بي عبّني
عبّني ولا شفت اني بنفجر .. فـش الغياب




دامني للحين اشوفك .. لا انوجعت .. تنبـّني
إعرف ان البال .. ودّى بسالفة طيبك وجاب




جاب .. كل اللي تقوله : بأنه صدق يحبّني
واني شفت بعيني قلبه ,, ودّع ضلوعه وذاب !!







مخرج



ذاب !!


ذاب .. تدري شمعنى ذاب !؟؟


يعني انّك كل ما تفتح خفوقك


ودّك بخلّك تشوفك !


ما تلاقي إلا الغياب


حاضر بترديد خوفك !

خيو لبيك اهنيك على هاي الدائقة الشعريه

دمت وداام نزف قلمك ربي لايحرمناا منك يالغلااا

أهلا بك ... نورت القسم بـ طلتك

كلمات رائعه كروعتك

سلمت اناملك على جمال ما نثرت هاهنا

لا عدمنا طلتك الراقيه

ودي

اول اشكراستاذنالغالي عابر سبيل ابوخالد
على التعديل انا لم اكون في وقتي عند الاختياركنت مسرح قليل
ولكن الحمدلله نا ابوخالد شاف الخطاء وعدل الله يعطيه العافيه
واسف اخي لكريم واسف للجميع
تحياتي

مرحبا مليون قمرلخليج
ورد الجوري
مرورك نورهذاالخاطره ربنا يوفقك
تحياتي

مرحبا الف سماره
جميل جمال مرورك ربي يوفقك يانجمتناالغاليه
شكرا لكي
لبيك