في الذاكرة نفحة زهورٍ ميتة
وأشياء كثيرة صرت مدري وينها


طفلٍ يشيل العيد في طاقيته
و أم تخش الدمع عن طفلينها



و عيون شايب .. لو قسم حنيّته
على البشر .. كان البشر وش زينها


و رفيق عمر الوقت شح ب جيّته
و بنتٍ قسَمتْ القلب بيني وبينها


متغربٍ يَقرآ جوآب بْنيتّه
اَللي تركّها في ربيع سنينها


وشاعر بدا الخطوات من مرثيّته
اللي تعبْ يسهر على تدوينها


وجدار .. كانت تنتظرنا فيّته
نقرأ بختنا في كفوف يدينها


واليوم لا من روّحت عصريّته
رحنا نوَّدع بعضنا في حينها


أطفال كلٍ في فضا حريّته
وبيوت ناس أطفالها مشقينها


حارة نسى فيها الزمن عفويّته
ميسورها يعطف على مسكينها


ما كنت أعرف الوقت وشهي نيّته
الله يجازي الطيبة وتخمينها


يا وش بعد .. يا باكر اللي مبيّته
العمر لوحة في يدك تلوينها


كنك وكيل آدم على ذريّته
أحلامنا وش فيك قمت تهينها


سرقت من كف الطفل عيديّته
و فرقت كلمة حب عن حرفينها


ياربّ ..ياربّ الزهور الميّتة
ردّ الحياة ل ناس تسأل وينها

لاهنتي يعطيك العافيه على طرح هذه
القصيده التي تخطت عنان السماء
بروعتها وبريقها أبيات اكتست
بالجماليه وتحلت بالإبداع
دام نبض قلمك اعجبتنا
وحازت على رضانا
ودي واحترامي

بارك الله فيك
دائماً طرحك رائع
اشكرك على هالجهود الطيبة

عابرسبيل

احساس
مشكوووره ويعطيكِ العافيه
قصيده في منتهى الرووووعه
دمتي بخير
بقايا إنسان

مشكورين ع مروركم
تقديري

يعطيكـ العاااافيهـ
طرح اكثر من راااااااائع
بانتظار جديدكـ

نورتي حنان الكون

سلمت الايادى..
يعطيكـ الف الف عآاافيهـ ...::
على رووعة وجمالية الطرح ...
بانتظار جديدك بكل شوق ..
ودي وشذى الورد

مشكوره ع نور تواجدك الكريم
دمتي بسعاده