أسـأل علي مـآفيه للـهجر دآعــي !!
وش عذرك من الشوق لآ قلت وينك؟


صوتـك يــخفف ضيقتي والتيـاعـي
وشلـون لآمن جآت عـيني بعينك

متهـور وحبك يـزيـد انـدفاعـي
أبيع عمـري وأشتري به حنينك

جيتك من الايام طـآوي شرآعــي
ضمّ التعب تكفى تراني زبينك

الفــرق عندك في لقاي وودآعــي
في القرب قسوآتك وفي البعد لينك

شـــوآرع الايـام تنـوي ضياعي
وأبي يديني مآ تفـارق يـدينك

أتخيـلك وأنـام وأفــزّ وآعــي
وأدورك في غربة الليل وينـك !!

لاهنتي يعطيك العافيه على طرح هذه
القصيده التي تخطت عنان السماء
بروعتها وبريقها أبيات اكتست
بالجماليه وتحلت بالإبداع
دام نبض قلمك اعجبتنا
وحازت على رضانا
ودي واحترامي

كل الشكر ابو عبد الرحمن ع تواجدك العطر