ثنتين يعطونك معزه و تقدير
دينك و فعل البر في والدينك

وثنتين منهن يكثرون المخاسير
درب الضياع و صحبة ما تعينك

وثنتين عنهن ما تجوز المعاذير
سترك لاهل بيتك ومكسب يمينك

وثنتين لو طال الزمن ما بهن خير
هرج القفا ومجاملة من يهينك

وثنتين يطلقن الوجيه المسافير
ترديد ترحيبك و ضحكة جبينك

وثنتين يسوون التعب و المشاوير
مواصل ارحامك و فزعة قرينك

وثنتين نار وعار معنى وتفسير
ترضى الخنا و تخون مستأمنينك

وثنتين لا تقبل بهن الأشاوير
الجار و الصاحب ليا قال وينك؟

وثنتين يشرن بالذهب و الدنانير
حشمة بني عمك ونصرة عوينك

وثنتين جنبهن واحذرك تحذير
فعلٍ يشنّع بك و هرجٍ يدينك

م/ن
عابرسبيل

عابرسبيل
في سماء الإبداع حلقت
ولأجمل موضوع طرحت
لا تحرمنا من تميزك وإبداعك
ودمت بحفظ من الله ورعايته

تسلم يمينكـ و يسلم إنتقائكـ الرائع بروعتكـ ..
يعطيكـ الف عافيه على الابيات الروعه
لا حرمنا من إبداعكـ ..
ب إنتظار جديدكـ المتميز و تواجدك المتألق
ل قلبكـ طوق الياسمين

صح لسان قايلها
وعلا شآن ناقلها
وحفظك ووفقك ربي
فاضلي

لاهنت يعطيك العافيه على طرح هذه
القصيده التي تخطت عنان السماء
بروعتها وبريقها أبيات اكتست
بالجماليه وتحلت بالإبداع
دام نبض قلمك اعجبتنا
وحازت على رضانا
ودي واحترامي