تذكرتك على صوت حزييين
ومرقب عالي ..
وعين الشمس محمره
وزول الطير واسمها

وضاق الكون في وجهي
من احزاني وغربالي
وبانت عبره مبطي
عن العذال كاتمها

ترزملي مجاميع الهموم
وينهزم حالي ..
بغيت مرار اقاومها
ولكن كيف اقاومها

مدامك دوم في بالي
ولاقد غبت عن بالي
ونار الشوق لاهبت
هبوب النود تشعلها

ومدامه لا انكسر صوتي
عقب ما اجر موالي ..
تكون اخر حروف اسمك
على التنهيد راسمها

كرهت الكون من بعدك
وعيى الوقت يصفالي
وإلا من بانت الفرحة
تجي ذكراك تعدمها

تركتك وانت خابرني
عزيز النفس متعالي
ورحلت بجمله هموم
تزايمني وازايمها

تثاقل خطوتي مقفي
وانوخ واعقل رحالي
واشد رحالي وعيني
عن اللفات محرمها

فمان الله ياضي البلاد
وطعمها الحالي ..
فمان الله ياضي البيوت
وضي ناضمها ..

كلامن مر بغيابك
قريته بالخلا الخالي
طوته البيد من حسه
وغير في معالمها

كلامن سابقه دمعٍ
على الخدين همالي
من عيون شقاويه
تخلت عن تجهمها

يفوح من القهر دمعي
وانا ما ارسلت مرسالي
اجل وشلون لا بانت
حروفي في مقادمها

ابتذكر خطاك الي
تضحي باخر امالي
وضف هموم هـ الدنيا
على قلبي وليمها ..

ترى مايذبح الواحد
يكود الجرح من غالي
وجرحك كل ما يطري
على روحي يئلمها

انا مدري ويش اكتب لك
ولا ادري ويش منوالي
ولا ادري ليش انا انقا
لك بيوت الشعر وانضمها

وانا ادري منت سامعها
وقلبك داله وسالي
ولكن دايما بصخر
على شانك ملاحمها

وإلا من مربي طيفك
وانا في مرقب عالي
بدون شعور ببنيها
على شانك وبهدمهـا


YouTube - https://www.youtube.com/watch?v=2Sd7gwOjpwQ&feature=youtube_gdata_player

تسلم آيديك ع جمآل طرحك
وربي يعطيك الف الف عآفية
وبارك فيك
لا عدمنآك

وضاق الكون في وجهي
من احزاني وغربالي
وبانت عبره مبطي
عن العذال كاتمها

دائما مبدع في الطرج فاضلي
أسعدك ربي

طرح في غاية الرووعه
يعطيك العافيه
شاكره لك

اشكر كل من مر متصفحي
وعطر بتواجده صفحتي
مروركم اسعدني لا حرمت من ذلك
ودمتم جميعاً بكل خير..

شكرا لكم على هذا الموضوع الجميل
ودي وتقديري لتواجدكم المميز

عابرسبيل

يعطيك العافية يآرب
موضوع راقيي
كون بخير