ياهيه إلتفت لي وإسمع دعاي لك يـاهيـه ..

. . . . . . . . . . ترى عادتك تشبـع مـن البعـد واتواجـــه ..!!

دعيتك بصوتٍ ياصلـك ليـه مـا توحيــــــــه ..

. . . . . . . . . . وأنا أسمع ضلوعك من صدى الصوت لجاجه ..!!

عليـك الفـؤاد إخلاجـه مصمـخ راعيـــــــه ..

. . . . . . . . . . خف الله في راعيـه مـا تسمـع إخلاجـه ..!!

ترى العفو قد جـاك أولـه وإغتنـم تاليــــــه ..

. . . . . . . . . . وترى الحلم بحرٍ غيـر لا تامـن أمواجـه ..!!

وترى الـود ليـلٍ مظلـمٍ جيتلـك ساريـــــه ..

. . . . . . . . . . سراجه وصالـك والجفـا ينفـخ سراجـه ..!!

وترى قصرنا اللي كم سنة نجمـع ونبنيـه ..

. . . . . . . . . . هوى العذل طيـح بابـه العـود وسياجـه ..!!

لي أيام مـدري ويـن دارك ولا أدري ليــــه ..

. . . . . . . . . . وأنا خابـر إنـي بـاب شفـك ومزلاجـه ..!!

غيـابٍ بـلا سبـة هجـــــــادٍ بـــــلا تنبـيـــه ..

. . . . . . . . . . وجفا أغلى العرب نارٍ على الكبـد وهاجـة ..!!

نضج قلبي من البعـد وش حاجتـك تكويـه ..

. . . . . . . . . . جفاك الجمر والصبر فـي بعـدك الصاجـه ..!!

وطبع حبـك بقلبـي والأيـام مـا تمحيـــه ..

. . . . . . . . . . هـذا هجـرك يحـاول يموجـه ولا ماجـه ..!!

يموت الأمـل لكـن ظنـون الغـلا تحييــــــه ..

. . . . . . . . . . وعروق الوفـا فالـروح والقلـب وجاجـة ..!!

خبرتوا حدٍ يبكـي علـى واحـدٍ يبكيــــــه ..

. . . . . . . . . . وخبرتوا حدٍ مسجون ما يبقـي إفراجــه ..!!

أحبـه ولا أبغضتـه علـى شـيٍ يسويـه ..

. . . . . . . . . . ولا زالـت رقـاب الرجـا فيـه منعـاجــــــــة ..!!

عسى منزلٍ ضمه حقـوق الوسـم تسقيـه ..

. . . . . . . . . . وتضحك له الدنيا وهـو يضحـك حجاجــــه ..!!

فقد خاطـري شـي مـن الضيقـة مسليـه ..

. . . . . . . . . . وغدت روحي من النـاس والليـل هجاجـة ..!!

أروح لمكـانٍ خابـره .. خابـره يأتـيــــــــــه ..

. . . . . . . . . . أسوق القدم صوبـه وهـي مالهـا حاجــــة ..!!

مكـانٍ نزيـه وأول مواجهـي لـه فـيــــــــه ..

. . . . . . . . . . وأنـا خابـرٍ مـا رجـل مثلــــــــــه بــــدواجـــة ..!!

لعل وعسـى مـا حدنـي للمجـي يدعيـه ..

. . . . . . . . . . وأشوفه وأنـا مـا ودي أسبـب إحراجـــــــه ..!!

يحب الجريح آخـر دروب اللقـى ويجيــــه ..

. . . . . . . . . . وتحـب القـدم جيـة مكـان أول مواجـــــــه ..!!


لـ الشاعر .. محمّد بن فطيس المرّي ..!!

من اروع القصائد للشاعر اب فطيس المري
يعطيك الف عافيه ياحياة الروح
...

يسسسسسلـمؤ ح ــيآهـ قـصيدهـ وـربي روع ــه

يع ــطيك ربـي آلف آلف ع ــأفيه

مشكورين ع المرور لاعدمناكم

قصيده جميله طبعاً
يعطيييك العافيييه
حيـــاة

مشكور ع التواجد
في حفظ الرحمن انشاء الله..

يسلمووو حياة الروح
على النقل الجميل
للقصيده الرائعــــــــه

http://i150.photobucket.com/albums/s119/nancy_mohanad/rwer.jpg

تشكراتي لك ياريوم ع المرور

الله يعطيك العافية
موضوع جميل ورائع
تقبلوا مروري المتواضع
مودتي لك


عابرسبيل

مشكور ع المرور اخ عابر سبيل