هذا أنا يابهجت القلب رديت

03-18-2010, 05:40 AM

هذا أنا... يا بهجة القلب رديت'

من عقب غيبه جيت كلي حنيني"

ورسالتي أرسلتها عقب ما أبطيت'

تذكرت أحلام كانت...بينك وبيني"

هذا.. أنا من دون وشلون أو ليت'

كلي وفا في داخلي يحتويني"

من قلبي جيتك بشعري ولبيت'

من عقب غيبه واطلبك تعذريني"

"يمكن" تظن أني بهجري تماديت'

ويمكن تقول الشوق قد مات فيني"

ويمكن تقول إني مع البعد جافيت'

والبعد نساني رجاوي سنيني"

شوف تراني عنك ما قد تخليت'

لوشفت دمعي حاير وسط عيني"

أبشرك أعطيتك الحق واوفيت'

لا ما نسيتك لحظه" يا ضنيني"

لكن ظروف الوقت خلتني أبطيت'

ولا غلاتك ثابتن كل حيني"

كتبت لك من الشعر بيت ورى بيت'

وأحييت لك آهات جرح دفيني"

اسقيت نفسي حسرت البعد وأرويت'

وأنتي علامك خابرك تفهميني"

أوسع الخاطر بقولة تناسيت'

وأشوف طيفك كل لحظه يجيني"

{^أشتقت للجلسه معك حيل حنيت^}

وإن كان في قلبك عتب عاتبيني"

هذا أنا: جيتك برساله وطليت'

جيتك وأنا أدري بك بلهفه تبيني"

من غربتي مليت مليت مليت'

أدخل على الله من الخطا ساااااااامحيني‎

03-18-2010, 11:41 AM

قصيــده رائــعه اخي اسير الصمت
اشكرك عليها وعلى حسن اختيارها
ودمت بحفظ المولى.

03-18-2010, 01:39 PM

~.. شكرا لكم على هذا الموضوع الرائع والجميل ..~
~.. تشَرَفَتُ بالمرور فِي مُتَصَفِحِكم العطر ..~
~.. تَقَبِلْوا شكري.. ودُمتُم بَحِفْظْ الرَحَمَــــن ..~
~.. ولكم ودي وعبير وردي ..~

~..عَ ـٌُابِرسَبِيْلْ..~