![]() |
حقـوق الشـوق محفوظـه ..
على طاري صباح الورد , واسمك والحـلا والـذوق ذكرتـك يـا أجمـل احلامـي , بقافـي واستهليتـه على درب القصيد ااسوق , قلبي والخطاوي شـوق واذا مالت بـي الخطـوه , علـى دربـك تناسيتـه يهز الشـوق باعماقـي , عناقيـد الغـرام اعـذوق ويقطف بالغـلا فينـي , غرامـن خنـت واخفيتـه أحبك كثر مايشعل , غرامك فـي حشـاي احـروق واشبّه زود لو يحرق , اضلوعي مت , مـا اطفيتـه أحبّك دمعتن طاحت , على خـد الصبـاح اشـروق يموت النور لـو طاحـت , علـى كفّـي وضميتـه أحبك , ايه أحب اسمك , واموت بجيـدك المنتـوق وتخيل من كثر ما اكـره , صـدودك قمـت حبيتـه تموت امن البطا غيمه , طعنها من جفـاك ابـروق وغشى روض الحشا وسمي , جفافك وانت ما ارويته رحلت ومابقى منّك , سواك أنت , وعنـا مفهـوق عنـا ذاك الربيـع اللـي , غشـانـي ماتمنّيـتـه تعال اجرح علـى كيفك,تربّـع واستحـل اعـروق تدلـل والبسـاط أحمـد , وانـا لرضـاك مديـتـه قم اسهج لاّخر اضلوعي , تغلغـل داخلـي برفـوق حلالـك مابقـى منّـي , مـع اللـي لجلـك افنيتـه من اللي من غديت أجمل , قصيده ما غدا لـه ذوق ومن ذا اللي كتب باسمك , قصيـده وانكسـر بيتـه وربي من كتبت اسمـك , وبروزتـه ابقلبـي فـوق وانـا مـادار فـي بالـي , قصيـدن ماتحاليـتـه دخيل الدمعتين اللي , غدت منهـا الخـدود اشقـوق ترفق سامحـك ربـي , علـى قلبـن لـك اهديتـه اذا لك حق في قلبي , أنا لـي فـي غـلاك احقـوق وحقـوق الشـوق محفوظـه , وحـدي ماتعديتـه تعبت اكذب على نفسي , واقول ان الطـرد ملحـوق ولانـي طايـل ٍ حبّـك , ولا الله عـان ونْسيـتـه يذكرني صباح الـورد , واسمـك والحـلا والـذوق واردد : يا ( أجمل احلامي ) , ابقافي يـوم هليتـه |
رد: حقـوق الشـوق محفوظـه ..
كلام رائع وشاعري
اخوي اسير الله يعطيك العافية تمنياتي لك بالتوفيق دمتم بحفظ الرحمن |
رد: حقـوق الشـوق محفوظـه ..
الشراحيلي المهاجر
لك كل الشكر اخوي على مرورك الرائع والجميل فبارك الله في جهودك ودمت ودام تواجدك والله يعطيك الصحه والعافيه |
رد: حقـوق الشـوق محفوظـه ..
|
رد: حقـوق الشـوق محفوظـه ..
ابوعبدالرحمن
اسعدني مرورك الرائع فلك مني كل الشكر وبارك الله في جهودك ودمت ودام تواجدك والله يعطيك العافيه |
الساعة الآن 07:32 AM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
SEO by vBSEO
sh22r.com