عندما تخرج البنت ماذا تلبس؟ادخل وشوف وشاركنا بردة الفعل

05-04-2010, 01:35 PM

السلام عليكم ورحمة الله وبركاته

سمعنا بالبرقع .. ثم انجبرنا وقالو مايشوفون <== يعني حجة ...!

سمعنا اللثمه واللي راضى لاهله بالطقاق <=== ياخي وش دخلك فيهم..

الطامة الموضه الجديدة لاحول الله ماباقي شي ياجماعة الربع طلع شي جديد الله يستر منه يطلق عليه (( المسفع ))

ايام زمان - كانوا البنات ما يعرفون الا العباية والشيلة تشوف الحريم ما تفرق بينهم - اذا هذي عجوز او شباب - كلهم طقم واحد بس اليوم ياحيفاه مرّوا البنات بمراحل نمو ومراحل تطور - صار فيه اللثمة والرمية والبرقع - لا وتفننوا بعد في اللثمات - فيه لثمة مشدودة ولثمة هاملة ولثمة اي كلام اللثمة المشدودة ماش ما تعجبن تحسها دلخة وما تعرف تلبس

ولو نرجع لورا شوي - نلقى ان اللثمة بدت تنتشر بالمنطقة الغربية - وكانت نادرة الوجود في الرياض والشرقية ويرجع السبب على ما اعتقد - ان اول من بدأ لبس اللثام هن الاجنبيات العربيات والعربان المستعربة
حبة حبة بدينا نشوف اللثام بالرياض والشرقية - كانت مرحلة سقطت فيها اسواق البراقع بالضربة القاضية من اللثام - ولكن سرعان ما استرجع البرقع هيبته - وصار عندنا برقع كويتي وبرقع الصقر وبرقع اي كلام براقع اي كلام عدّوا واغلطوا

احتمى الوطيس بين المتلثمات والمتبرقعات - الين ما طلع لنا لثام وعليها غطوة - حركات هالبنات انا اعتقد ان الفضاوة سبب كبير في مثل هالاختراعات

سابقاً اذا شفنا وحدة متلثمة نقول ( يوه وش هالداشرة ) عادي هذا تفكيرنا يوم كنت بزر - والحين ياسبحان الله - المتلثمات على قفى من يشيل - عد واغلط - وصار الوضع عندنا عادي جداً - المتبرقعة والمتلثمة والمتغطية بالكامل - مناظر عادية اعتدنا رؤيتها

كل اللي فوق مقدمة لموضوعنا الشيّق من وجهة نظري لأن الحين طلع لنا شيء جديد واعتقد والله العالم انه راح يكون حديث المجالس الايام الجاية

" المسفع "

أنا أتكلم عن شيء جديد - أوبالأصح - شيء قديم اعيد اكتشافه حالياَ من قبل البنات - المسفع موضة البنات القادمة صار عندنا برقع ولثمة ومسفع - وتستمر اختراعات جنسنا الآخر

شدتني حكاية المسفع - بعد ما سووا استفتاء في مجلة عن الزي المفضل لدى البنات - طبعاً حلّت اللثمة بالمركز الاوّل وكأن البنت ما تطلع كشخة الا باللثام
.

يقول استفتاء بناتنا :

السؤال هنا يقول :

البنية تختار وشو ؟

هل تختار الزي اللي يريحها ؟

أو الزي اللي يعجب الناس ؟
والا مع الخيل ياشقــــــرااا

أشك أنه الاخيرة بصراحة