حسبي عليهم

الزهرة اللي بالحشا جذرها حي
------- راحت سنيني مخلص في رجاها
هم اوعدوني يوم يصبح لها في
------- تصير لي ظل واعيش بذراها
اول يقولون انتظر واصبر شوي
------- واليوم قالوا لا تقرّب حماها
حسبي عليهم جددوا فيني الكي
------- ويا حظ منهو في حياته لقاها
يا طيف يا همسات يا ليل يا ضي
------- ردوا على عين قليل هناها
اسهر مع الاشواق مافي يدي شي
------- ما غير ذكرى عذبتني معاها
يا ثاير العبرات فيني تغني
------- من صار مثلي قصته ما نساها
مهما دعاك الحب يا خاطري عي
------- من حظ غيرك لا تمنّى هواها
حب شريف وما وصلنا به الغي
------- ولا تركنا الناس يكبر خطاها

سعد الخريجي