06-24-2010, 03:31 PM
|
#1 | |
 
|
نعشق .. ولا نعشق مثل عشق الانذال
ياللي حضوره نور في كل الاحوال ..!!
بدر(ن) حضوره يعطي الليل معناه ..!! اليا حضر يغني عن وجيه وازوال ..!! حي الله اقـباله وزولـه وطريـاه ..!! ماله حلي ولا له اشباه وامثال ..!! غير البدر في نوره وفي محياه ..!! اليا ابتسم .. بعيونه افراح وآمال ..!! وإليا حكى .. قلت الحلا ما تعداه ..!! منتوق عنق(ن) ناعم العود قتال ..!! ميـّاس قد و نادر(ن) في حلاياه ..!! إليا مشى شيخ الغنادير يختال ..!! والارض تستبشر وتفرح بلاماه ..!! كنـّه بقلبي يوم يسرح ويجتال ..!! ظبي(ن) تخيّر بين الاضلاع مفلاه ..!! الله عطاه القلب مفلا ومنزال ..!! حتى انزرع صدق الغلا في حناياه ..!! مهرة بدو ماطاوعت كل ختال ..!! من دونها راع الردى خاب مسعاه ..!! حتى مسك بـعـنانها خير خيال ..!! من روس قوم(ن) هامة العز تزهاه ..!! وجهتهم اللي للمشاكيل مدهال ..!! ساس الفخر والعز والطيب والجاه ..!! ميقافنا لامن صفق جال في جال ..!! ميقن به ابن اللاش .. لو كان يكماه ..!! تاريخنا .. يذكر من اجيال لجيال ..!! صعب(ن) على كل المخاليق تنساه ..!! نمشي دروب العز .. في كل الاحوال ..!! ودرب(ن) يهين نفوسنا .. مامشيناه ..!! نعشق .. ولا نعشق مثل عشق الانذال ..!! عشق الشرف والعز ساسه ومبداه ..!! م/ن |
|
 
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
العرض الشجري
