06-26-2010, 09:38 PM
|
#1 | |
 
|
رزقي وعمري كافله خالق الناس...!
من كان لا يجــــــــرح ولا هو بيداوي
قلَّه تــــــــــرى ما له مكانٍ مع الناس ومن لا يميِّز كل شـــــــــي إمتساوي تصبح حياته ضايعـــــــه ما لها ساس ومن لا عرف في خوِّته من يخـــاوي يندم وتالي الوقت يبشــــــر بالأفلاس ومن لا يعيل النــــــاس ما هي بتاوي تبلاه في نفســــــه من الناس الأنجاس ومن لا يســـــر نفسه فلا هوب قاوي يسِر غــــــــــــيره لو الأرياق يبَّاس ولا عاش بالحيــــلات من هو حياوي درب الحياله والصقـــــاره للأدناس ما سرَّت ضعوف الرجـــــال المناوي ولا يدري الحر المعـــرَّب على الياس وأنا الـــــذي ما ني على الناس غاوي فيهم ذهب فيهم بعـــــد فض وإنحاس فرق وتفاوت بينهم بالهقـــــــــــاوي في الناس مَطنوخٍ وفي الناس لا باس أحدٍ علي ربعه كما النجم ضـــــاوي المرجلَه ثوبٍ له إقيــــــــاس وإلباس من صغر سنَّه للمراجل شـــــــفاوي ربعَه من أســــــبابه تنومس تنوماس وش هالمصيبـــــه ألا وش هالبلاوي لا قِيل وجه البوم يا طــــــير قرناس صار التِّبِع متبوع والشــــــيخ شاوي تسبقه حــــــــــــراسٍ وتتبعه حراس وإليا حكا تســـــمع إصياح وعزاوي كلٍ ينعِّم له بلا حـــــــــــــد وإقياس أما الوضع مقلوب ما له إمــــداوي أو وقتنا هذا له أشــــــكال وأجناس فأحسن لي أجلس في مكاني خلاوي ولا أماشي إللي خوِّته تــنزِّل الراس والله ما أهين النفــس ولا ني بناوي رزقي وعمــــري كافله خالق الناس م/ن |
|
 
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
العرض الشجري
