07-06-2010, 08:43 PM
|
#1 | |
 
|
بنشدك عن نور القمر وشلون نوره؟؟؟؟
قصه شعبية لا أدري عن صحتها حصلت في قريه قريبة من مدينة الرياض في السعوديه قبل ان تسمى الرياض. كان هناك شاب اسمه عايش يعيش في هذه القريه وكان يحب بنت اسمها نوره في يوم من الايام ذهب عايش لكي يخطب نوره ولكن ابو نوره رفض لانه عايش كان على قد حاله وما عنده حلال ولا عنده فلوس كثيره فشاف عايش نوره عقب ما طلع من عند ابوها وقالها نوره انا راح يصير عندي فلوس وراح اشتغل وراح ارجع اخطبك واتزوجك ونوره كانت تحب عايش فوافقت انها تنتظره. سافر عايش الى منطقه مرموقه في السعوديه وصار يشتغل في التجاره ومرت الايام وصار عنده فلوس ورجع لقريته عشان يطلب يد نوره من جديد ويتزوجها ولكن لما رجع القريه تفاجىء ان نوره تزوجت لانه ابوها اصر عليها انها تتزوج وكان عندهم البنت لازم تتزوج اذا جاها شاب قادر على الزواج. وتفاجى ايضا انه ومو بس تزوجت بل هاجرت الى مكان ثاني مع رجلها ولا احد من القريه يعرف المكان. وقرر عايش يسافر ويدور على نوره. ومر على القريه الاوله وراح وسلم على امير القريه وقاله انا عندي لغز والي يجاوب عليه بعطيه كل حلالي فقاله الامير وشو اللغز قالا: بنشدك عن نور القمر وشلون نوره؟ احد الجالسين قال له ابيض واحد ثاني قاله اصفر وكل الاجوبه غلط محد عرف حل اللغز فسافر الى قريه ثانيه وطرح عليهم نفس اللغز ولا احد عرف الجواب مر في عدتة قرايا ولكن لم يجد من يحل اللغز ومر عايش على قريه وهو تعبان مرة من السفر فقالهم انا عندي لغز واللي يعرف الحل بعطيه كل حلالي .. قالهم ابنشدك عن نور القمر وشلون نوره؟ محد عرف الجواب فقالهم انا اليوم بنام عندكم لاني تعبان واللي يعرف الجواب يقوله لي الصبح ومن بين الحضور كان زوج نوره موجود فرجع للبيت قام يسولف مع زوجته نوره قال جانا اليوم واحد خبل يقول عندي لغز واللي يحله اعطيه حلالي كله فقالت له قولي وشو اللغز يمكن احله قالها: ابنشدك عن نور القمر وشلون نوره؟ فبتسمت نوره وقالت له عرفت الجواب قالها صدق قالت له قوله: مثل السمك في البحر وشلون عايش؟ فقام الصبح رجل نوره وراح وقاله انا عرفت الجواب فقاله وشو الجواب قاله: مثل السمك في البحر وشلون عايش؟ فابتسم عايش وقاله هذا مالي وحلالي وسلم لي على نوره أتمنى القصه أعجبتكـــــم .. م/ن |
|
 
|
|
07-06-2010, 09:29 PM
|
#2 | |
|
رد: بنشدك عن نور القمر وشلون نوره؟؟؟؟
 ! |ابوعبدالرحمن| ! مشكور اخوي على القصه الرائعه التي اسمتعت بها بصراحه فبارك الله في جهودك ودمت ودام ابداعك والله يعطيك العافيه |
|
|
|
07-09-2010, 12:57 AM
|
#3 | |
|
رد: بنشدك عن نور القمر وشلون نوره؟؟؟؟
اخي/اسيرالصمت
تشرفت بمرورك الرائع الجميل نورت صفحتي بهذا المرورالعطر تقبل شكري وتقديري لك خالص ودي وحبي |
|
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
العرض العادي
