مقدام الرجالى

يوم جاني الخبرمن شان خالي: == حن قلبي ودمع العين سالي: = فوق الا وجان تفضحني سيوله
قيل سلمان مقدام الرجالي: = تاج راسي وشمسي والظلالي: = بالعنايه مرقدعقب زوله
ليت ماجاك عدابك وجالي: = وانت يافزعتي عند البوالي: = ماترى شريارمزالرجوله
يامجيب الدعاء تقبل سؤالي: = أطلبك وارتجي تشفي المثالي: = دومة الأرض تسقيها المخوله
ذاك سلمان ينبوع الزلالي: = فارس الشعرفي سهل (ن)وعالي: = بدونا والحضرمن تحت قوله
شامخ الراس مضواح الليالي: = لوعدمناه يارب الكمالي: = هاجمونا العدو من كل دوله
في جنوب الوطن ثم الشمالي: = مثل بدر(ن) سطع فوق العوالي: = من يخيله تعافى من غلوله
بين الاجناس مشهور المقالي: = يوم يشدي يميل كل غالي: = قيس والأصمعي لاشي حوله
والله اللي خذا خيرة عيالي: = لوتغني الإنس والجن تالي = ماتساوي مع سلمان جوله
رايد القافيه بحرالهوالي: = كل مخلوق في دارالزوالي : = لا ولالا ولالا مايطوله
قلتها والصدق واجب يقالي: = كيف نجهل بطلنا والمعالي: = معدن الطيب نبراس البطوله
والنهايه تقبل ماطرالي: = من هواجيس قلبي والخيالي: = واعذروني على قصرالمقوله