يا تل قلبي

05-22-2009, 03:18 PM

السلام عليكم ورحمة الله وبركاته
أعزائي القراء يسرني ان اقدم بين ايديكم هذه القصيدة للشاعر ( مصلح بن عياد ) والتي تحمل الكثير من الحكم والقيم أرجو ان تنال اعجابكم

يا تل قلبي على هاك الحشى تلي

تل السواني على مربوعة الجاني

عز الله اني بري منك ياخلي

لك عدة ايام ما تطري على بالي

والله ما هو بكره لكن أحسن لي

آتوب لله وآعذر على حالي

جهلت يوم الجهل بالله خوين لي

قطعه خوين يهين الحال والمالي

اش لون اجاملك وانا اصوم واصلي

واخاف ربي ودمع العين همالي

واليا ذكرت الجهل والا تخيل لي

اخذت ساعه وانا في مخرمن خالي

أجاهد النفس واصلاها على الملي

واذكر مقام البشر في يوم الاهوالي

في يوم لا ماء ولا ماوى ولا ظلي

لا ثوب لا بشت لا غتره ولا عقالي

زريان عريان جسمي بادين كلي

انزف عرق وآترجى رحمة الوالي

والله لو انك بجنبي ما تعين لي

لو كان دمي ودمك سكرن حالي

ما دام هذي اخرتها ليش ترسل لي

لا عاد ترسل ولا ياصلك مرسالي

ثوب الغلط يا عشيري ما يفصل لي

ما هو مقاسن علي ولا على امثالي

يا زين ثوب الشرف ومعانق التلي

ورجمن يعله من الهمال همالي

وضعيف النفس ما يصلح رفيقن لي

ماني مسميه لا عمي ولا خالي

لو تطلبه ما عطى من وجعته ملي

واليا طلب منك ما تكفيه الاميالي

05-22-2009, 03:22 PM

طراد

شكرا لكم على الموضوع الجميل والرائع كروعتكم
وانرتم المنتدى بتواجدكم لا عدمناكم ياارب
وتقبلوا مني التقدير والشكر الجزيل والاحترام

ودمتم بود يارب مع تمنياتي للجمــــــيع بالتوفيــــــق

ونسأل الله العلي القدير أن لا يحرمنا من تشريفكم

عابرسبيل