![]() |
الجيب والقرناس
مما راق لى الجيب والقرناس وخوة هل الطيب =تسوى مجالست العرب فالمدينـه ماسبّهم واعرف انا مابهـم عيـب =بس الهوى ياهل الهوى حـد لينـه عزبه وخيمه والصحاري مضاريب=والتيس من قبل الضحى صالخينـه ومعلقينه من كراعه على الجيـب=والبـن الاشقـر تونـا حامسينـه شبّت حطب ماهي بشبة عياسيـب=ارطـا وعرفـج يمنّـا حاطبينـه واليا سنت شب الجروم اللواهيـب=قام المقهوي قّـرب المـاء بدينـه ركّـب دلال مجلـدات المقاظيـب=بغداد من سـوق الحفـر جالبينـه بيضن تـلالا يطعمـن المشاريـب=تبعد عن انفـوس العبـاد الغبينـه واليا احتمى ماهن يشيل المراكيب=يحـط كيفـن بالنجـر طاحنيـنـه فنجال ونص وردهن يمـه قريـب=وجاب البريج وسكره فـي بطينـه وحطه على صفه هذيك المهاذيـب=والبن فـاح وركـده فـي سكينـه وجاب الدلال الي يعرف المواجيب=ثنتين غيـر الـي بهـن عاملينـه مجنون كيف ورتب الامر ترتيـب=حـط البهاروريـح هيلـه يازينـه ثم زلهن لين استوى باخر السيـب=وحطـه بنـاره ربنـا لاتهيـنـه وقال اقدعوا تمر حلو توّه امجيـب=اخلاص من دار الحسا محظرينـه ثم صب فنجاله ومابـه عذاريـب=والله على الفنجـال تسلـم يمينـه مجربن ماهوب يحتـاج تجريـب=اي والله انـا كلـنـا مجربيـنـه مافيه ظيف وكل ابونـا معازيـب=والشاي خدر والـورق حاكرينـه وعقب السوالف والقهاوي مطاليب=كـل يناظـر للمـواتـر بعيـنـه نبي نهيّف فـوق روس المراقيـب=وانفّرع القرناس لاجـل السمينـه اليا خطفهـا خطفتـن بالمخاليـب=تبري النفوس الضيقـات الحزينـه واليا انتهى المقناص جبنا مكاسيب=والحر الاشقـر عقبهـا مبرقعينـه ونمشي ونلقا يمّنـا فطـر شيـب=ومفرود يطرد من ورى امه تنينـه وسط النفود ولانمـر الشخانيـب=نخاف من ظرب الحصى فالمكينه ووساع صدر ونطقنا بالتراحيـب=واعقولنا هـي العقـول الرزينـه ياليت لي دورن بغـوج الاطانيـب=وانسى حضارات الخراب وسنينه اخير من طرد البنـات الرعابيـب=واحدن تسمّع مـن عذابـه ونينـه ممشاي صح وخوتـي للاشانيـب=رجل يصد عن المراجل ياشينـه |
رد: الجيب والقرناس
نبي نهيّف فـوق روس المراقيـب=وانفّرع القرناس لاجـل السمينـه اليا خطفهـا خطفتـن بالمخاليـب=تبري النفوس الضيقـات الحزينـه واليا انتهى المقناص جبنا مكاسيب=والحر الاشقـر عقبهـا مبرقعينـه ونمشي ونلقا يمّنـا فطـر شيـب=ومفرود يطرد من ورى امه تنينـه وسط النفود ولانمـر الشخانيـب=نخاف من ظرب الحصى فالمكينه ابومحمد الله على الذوق الرفيع سلمت يمينك |
رد: الجيب والقرناس
http://imagecache.te3p.com/imgcache/...1fdb8dc927.gif زارع الورد اشكرك على روعة ماطرحته الله على الذووووووووق ابيات في قمةالروعه وبارك الله في جهودك ودمت ودام ابداعك وتألقك وبانتظارجديدك ودمت بحب وسعاده والله يعطيك العافيه |
رد: الجيب والقرناس
الاخ ابو نواف
والاخ اسير الصمت اشكركم على المرور والتعليق |
رد: الجيب والقرناس
http://up3.m5zn.com/photo/2009/5/28/...ai0zb2.gif/gif رووووعه تسلم الأنامل .. بأنتظار القادم من عطائكـ كل الشكر والأمتنان.. http://up3.m5zn.com/photo/2009/5/28/...ai0zb2.gif/gif |
رد: الجيب والقرناس
رفيع المستوى
ذائقه فنيه رائعه بانتظار الجديد ورده |
رد: الجيب والقرناس
موفق بإذن الله ... لك مني أجمل تحية .
|
رد: الجيب والقرناس
زارع الورد
موضوعك جميل ونتمنى لك دوام التوفيق يارب |
الساعة الآن 07:51 AM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
SEO by vBSEO
sh22r.com