-*™£ منتدى آل شراحيل بفيفاء£™*- - قصيدمهداه لمن يحب البر

- - قصيدمهداه لمن يحب البر (https://www.sh22r.com/vb/sh22r20296/)

قصيدمهداه لمن يحب البر

http://www.alkaabi.org/vb/uploaded/1236_1163038093.jpg

http://albdwan.com/up/uploads/703c7c297b.jpg
http://www.hrmla.org/uploaded/333_21171196209.jpg
البر احبه واحب اللي يحيبونه
من صغر سني وفيه النفس مولاعه
هواية في صميم القلب مدفونه
تجري مع الدم في مشيه ومرجاعه
خصٍ اليا الوسم مزنه مالت ردونه
واسقى الضوامي ونبت العشب في قاعه
وقام الشمالي يلاعب لين غصونه
يازين مع نفحة النسمه تمرياعه
اعشق زهوره ويسحر ناظري لونه
واشم عطره واقوم اعدد انواعه
نفل وبسباس وخزاماه وفنونه
وربله ونوار والحوذان واتباعه
والقحويان ويهق ياللي تعرفونه
وشرشر وحميّض وشقاراه واقشاعه
احب ازوره قبل لا البدو يرعونه
اروى النظر منه لامن زان مرباعه
واحب حرٍ يشاف الفيد بعيونه
ربحان من يشتريه وخاب من باعه
حرٍ ليا شافوا البرقا يهدونه
واليا طلع في سماها صابها راعه
لاشافها بامر رب العرش مضمونه
لاهوا على صيدته ماخانه ذراعه
وخوّة نشاما خوي الجنب يغلونه
على النقا جامعين الطيب والطاعه
الفرض لاحان في وقته يصلونه
وفي مغفرة خالق الاكوان طماعه
البال لاحل به ضيقه يسلونه
ووقت الله الله فزاعه وجزاعه
اليا بغوا درب مايمسون من دونه
اسباع ليل ونهار ونومهم ساعه
باسج معهم طرب والروح مرهونه
وتالى الزمان العمر مدري عن اوضاعه
وسلامتكم ...