نزع الستار عن بعض مطاعم الفول والكبدة وغيرها...

06-29-2009, 10:07 PM

اخباااركم
جبت لكم اليوم موضوع من جد فضييييييييع
شوفو معي واعطوني رأيكم بالصووور

الكل منا يعرف انتشار المطاعم في الاونه الاخيره وكان الانتشار ملحوظاً , فلذا ان 99% لا يعلمون عن مدى نظافة هذه المطاعم , والله اللي اشوفه انه يذهب العقل كما يذهب عقل شارب الخمر وانا جايب لكم اكثر من صوره لكي تفقهون ما يحدث داخل المطاعم وانتم لا تعلمون

-1-

زي ما انتم شايفين كيف وضع الثلاجه هنا هي في حاله يرثى لها هل رأيتم كيف يتم التخزين !! واغلب المطاعم تكون ثلاجاتهم كذا

-2-

شوفو كيف فتحة الصرف الصحي مكشوفه جنب جرة الفول

-3-

وش رايكم بهذي الصوره والصرصور يتسبح في طشة غسيل الخضروات

-4-

شوفو يا احبتي وش يسوي اخينا في الله البكستاني اكيد ما عرفتو وش يسوي انظر للصور اللي بعدها وتعرفون

-5-

شفتوو اخينا في الله صار يفرم البصل بقطعة قماش وتم اخذ مسحه طبيه من هذي القطعه وجدنا عدد البكتيريا 2800 بكتريا والحد المسموح للبكتريا وبعدها تتلف 250 بكتريا شفتو الفرق, كل هذا بخل عشان يشتري فرامه بصل ولا همه صحة الناس اللي تشتري منه

-6-

هذا احد التوانكي لدى احد المطاعم المشهوره وشوف التانكي

تقولون ما فيه شي اوكي انا معكم ان ما فيه شي بس انا حاطه استهبال لالا دققو زين في الصنبور ,

شوفو الكوع اللي على اليسار تحصلونه من حديد وفي جوف الكوع يوجد صدا متراكم ,

وهذا الصدا يعطي نكهه مميزه من بد المطاعم

-7-

شفتوو لون الزيت ذهبي براق وانا اصوره انعمت عيوني من قوة البريق اعوذ بالله شوفو وشلون درجة السواد

برضو هذا احد البخلاء عشان ما يغير الزيت

-8-

نفس خوينا اللي فوق

-9-

عاد هذي الصور انا بغيت اتهور واطق البكستاني يوم شفت معه الزقاره واقوله ليه تدخن يقول هذا سيجاره مافي حق انا , لاحظو اصبعه كيييييييف !!!!!

-10-

هذي فتحة الصرف الصحي وموقعها داخل المطبخ يعني انواع القذاره في الاكل

-11-

نفس الصوره بس من جهه اخرى

-12-

شوفو الاكل الصحي << صحي ببطنك وش رايك بالمنظر يشهي صح وهو مكشوف يم يم << تقوطر سعابيله يوم دخلنا هذا المطعم كانت الساعه 11 الصباح ما طلعنا منه الا الساعه 12.30 دخلنا وطلعنا الاكل مكشوف الله العالم من متى وهم مصلحينه ومخلينه مكشوف وشف كم بكتريا وكم ذبابه اخذت لها لقمه وطلعت وااااااااو اكلاً شهي

-13-

يلعن خير ذا العامل اقوله وش ذا السواد اللي بظافرك يقول هذا من الشغل وربي انه كذوب ياخوفتي انه يشتغل في الورشه اللي جنب المطعم والمطعم نقصهم واحد وجابوه على طول ولا غسل يدينه وقعد يقطع الزلطه>> السلطه اللي يتكلمون بالاتيكيت وعلى فكره ترا هذا العامل يعمل لدى مطعم معرووف العالم منكبين عليه كب

-14-

انواع الامراض في يدين ذا العامل شوفو اليد اللي على اليمين شوفو اظافره واليد اللي على اليسار البثور اللي فوق السبابه

-15-

بالله هذي صاطوره يقطع بها لحمه ولا يقول هذي الصاطور من احسن الصواطير عندنا ولو تلاحظون ان اللحمه متجمده و من الغلط تقطيع اللحمه متجمده و وضعها في القدر وهو ساخن

-16-

لا تعليق الصوره تتحدث

وأشك انها كبدة حمار

06-29-2009, 10:19 PM

لا حول ولا قوة الا بالله
من اللي يبي ياكل من هالمطاعم بعد هذا
والله العظيم حاالة الله يرحمنا برحمته
شكرا لك يالصاعقة على هذا المووضوع
والله يجزيكم الخير على التنويه

06-29-2009, 10:26 PM

لا حول ولا قوة الا بالله
حسبي الله ونعم الوكيل
وش كل ذي القذاااااار ه وربي
بغيت أستفرغ
الصاااااااعقه يسلمووو ع الصوووور والتحذير من هيك أمووووووور
دمتي بحفظ الرحمن

06-29-2009, 11:33 PM

لا حول ولا قوة الا بالله

06-29-2009, 11:57 PM

اشكركم على المرور
انا من وجهة نظري الحق على المسؤلين الله اكبر عليهم وعلى اصحاب هالمطاعم

06-30-2009, 12:23 AM

شكرا لك اختي على التحذير
والمطاعم شر
بس الله يكفينا الشر وبس
تحياتي وودي لك

06-30-2009, 06:11 AM

بصراحه منـآظر مؤالمه و مؤسفـه
ما كنت اتوقع في يوم من الأيام ان ممكلتنا فيها مطاعم مثل هذاي
وين وزارة الصحه عن مراقبة المطاعم و نظافتها
مادري وش اقول والله .. الله يحمينا بس من الأمراض و من مثل هذي المطاعم المقرفه و المحزنه في نفس الوقت .

يعطيك العافيه اختي الصاعقه .. لا عدمنـآك اختي الغاليه ولكِ مني خالص شكري و تحيـآتي
اخـوك محمد الفيفي .

06-30-2009, 02:25 PM

حسبنا الله عليهم .. الله لايسامحهم
لا !!!!!!! والأدهى والأمر أن المطاعم المخالفة تدفع المخالفة وفي اليوم الثاني تستأنف تسميم الخلق

شـكــ وبارك الله فيك ـــرا لك ... لك مني أجمل تحية .

06-30-2009, 03:00 PM

الصاعقة .... أسم فتاة على ما أعتقد وحسب بعض الردود ..
تدرون ليش أقول هذا ..
لآنني فرحت أن أرى أمرأة تهتم بل وتحذرنا من هذه المطاعم .. حيثُ أن النساء هن السبب في أنتشار هذه ((المزابل)) !!
وأيضاً ضعف شخصية الرجل حيثُ أصبح أغلب الرجال تتصل عليه (سعادة المدام) حفظها الله قائلة جب لنا غداء أو عشاء أو فطور معك والله تعبانة والا ماني فاضية ولا نفسي ...
الخ ...
نوم وبالتالى كسل أو ثرثرة وكل ذلك أتى من مصلحة هؤلاء (( الوسخين مصادر القذارة !! )) ..

شكراً لك ولعل الله يدرك القوم أن تلك الأمكان مصدر من مصادر الأمراض الوبائية ..

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء

نزع الستار عن بعض مطاعم الفول والكبدة وغيرها...

【 الـــمـــنــتــدى العـــــــــــام 】