12-20-2010, 07:54 PM
|
#1 | |
 
|
ذكريااااات مضت تمنيت ان تعووووود
البارحه شفت الحبيبه في منامي وافتكرت ايامنا ايام خير
كانت تناظرني وتحمل في يديها ورد وازهار جميله وجتني وهي تمشي تذكرني خطاويها بزمان ويوم قربت مني واشوف الحزن في وجه الحبيبه والدموع قلت انتي ملاك ؟ يافرحتي يا سعد قلبي يوم شفتك ياملاك وقفت وهي تحمل ورودي والزهور  في صمت في حزن عميقوفزيت من نومي وانا خايف وشوقي في حياتي يزيد واليوم اكتب ذكرياتي في شهر  في يوم في ساعهوحتى في الدقايق والثواني مانسيتكلمتها في يوم واسمع قصتي وارجوك تعذرني على طول الكلام قلت اسمعي ياكل أفراحي وأحزاني وساعات الهناء أنتي زرعتي في طريقي كل أفراحي وأحلام السنين قالت أنا ؟ قلت أنتي حياتي والهموم أنتي معي في داخلي مهما رحلت ارحل بعيد ارحل قريب.... أنتي معي قالت تعال أجلس.... تعال ارتاح مدري ويش أ قول؟؟؟؟؟؟؟ وصارت تناظرني وتخفي دمعها تحت الكفوف قلت اسمعي اليوم فرحة وابتسامة لاتهلين الدموع انتي معي وانا معك ــ ودي اشوفك بعد دمعك تضحكين  قالت و كيف أضحك وانا كلي هموم والقلب من طبعه كتوم قلت اسمعي اذكرك بأول مشاهد بيننا وسط الطريق الله من ذاك الطريق ناظرت في وجهك وشفته يبتسم مثل القمر ماني مصدق يبتسم والعين فيها فرحتكورفعت لك ايدي ورديت السلام وسلمت باليسرى احسبها اليمين قالت والله ماعندي خبر الظاهر أنك مرتبكوصارت لضحكتها صدى يملا المكان الله يازين المكان بعد السوالف والمزوح قلت اسمعيني علميني عن سبب نظرت عيونك والفرح كني حبيب قالت أنا؟لالا انا ماكنت ا طالع فيك الحقيقه يوم شفتك استحيتقلت اسألك بالله قولي وش سبب ذاك الفرح العين فيها كل اسرار البنات قالت انا شفتك وصارت حالتي حاله غريبه اختلف فيها مساري في الحياه انته تقول سلمت باليسرى ؟انا من فرحتي ودي اسلم باليمين وبا لشمال قلت اسمعيني خبريني لوتركتك يومها ثم انصرفت ؟ قالت لي اتحداك ماتقدر علو مك في يسارك واضحه/ واحد يسلم بشمال ؟ وصارت تغطي وجهها تحت الكفوف والضحك يشغلها وانا ودي تقول قلت افرضي هذا حصل .....قالت والله لأمشي في طريقك واعرف الدار البعيده وانتظر ك قلت الله يازين الوفاء من يومها وانتي وفيه ياملاك قالت لي اسمع انت علمني .... انا في يومها افرض تركتك وانصرفت تمشي ورايه ؟ اشتكيك واقول ياناس امسكوه يمشي ورايه ساعتين قلت امشي و شوفك من بعيد وأعرف مكان البيت واسأل عن ابوك قالت سلامة عمرك الوالد توفى من زمان الله يرحم والدي وامي شديده لاتقرب عندها خلك بعيد.. خلك بعيد وتضحك وانا اضحك من سواليف ومزوح ... قالت اناودي اروح كانت مجالسنا انا والغاليه مره سواليف ومزوح ومرات نرجع في مجالسنا نبوح الله يازين الكلام ومرات تعطيني رسايلها وصلني من شذاها قبل ماتبدى السلام قلت ارحميني ياحياتي ياملاك اخاف من عطرك انا قلبي يطير قالت تراني استحي واخجل تفضل خذ وكنك ما دريت قلت العطر اصلي وهذي المشكله واضحك وتضربني على صدري بأطراف الكفوف وسلمتها اجمل خواطر وانصرفنا كل واحد في طريق واسهر مع نور القمر واقرا رسايلها واجاوبها بدمعه وابتسامه وانتظار واناظر الصوره واكلمها ونبدا في خواطرنا نسير وأطالع الوجه الذي مثل القمر ليلة ربيع فيها مطر فيها ورود فيها شجيرات البساتين ازهرت
|
|
|
|
12-20-2010, 08:29 PM
|
#2 | |
|
رد: ذكريااااات مضت تمنيت ان تعووووود
 مجنون ميمي مشكور اخوي على روعة ماطرحته خاطره رائعه وكلمات معبره لاعدمنا هذا الاحساس الجميل والقلم الذهبي وبارك الله في جهودك ودمت ودام ابداعك وتألقك وبانتظارجديدك والله يعطيك العافيه |
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
العرض العادي
