01-27-2011, 11:59 PM
|
#1 | |
 
|
عيونها صاروخ
ماهي لا سطوة سهام ولا هي ذي طعنة رماح
.. الا ذا صاروخ جاني و فجر اللي مستريح .. اطلقت صاروخها اللي صوب قليبي و طاح .. طاح قلبي يا جماعه و ماتوقعته يطيح .. انقتل قلبي و لكن اااه يالقتل المباح .. تقتل و ما فيه رادع يمنع اللي مستبيح .. تقتل بدقه و رقه تقتل باضعف سلاح .. تطلق بعشواء لكن صابت الهدف الصحيح .. انقتل قلبي بنظرة يوم ذاك العطر فاح .. و التفت و قصدي اعرف وين مصدر احلى ريح .. اااه من ذيك العيون اللي شفت كل الجراح .. بعد ما شافت جراحي اوقعت قلبي ذبيح .. اااه منها عيونها اللي كنها نور الصباح .. بعثرت ظلما حياتي ونارها تقدح قديح .. ناظرتني و المشاعر كنها امواج و رياح .. و تسمع لانفاس صدري صوت اشبه بالفحيح .. سمرتني في مكاني دون اية انزياح .. كني جندي بوضع ثابت لا استعد ولا استريح .. فاغرن فاهي و عيني تتبع الزين اللي شاح .. و من حلاها قام فكري ينظم ابيات المديح .. ما توفيها القصايد زينة البيض الملاح .. كل بو شعري فداها شعر شعبي او فصيح .. وش اباوصف وش باخلي ياعرب والسر باح .. سر نظرة زحزحتني وكنت انا اللي مايزيح .. راحت و لكن خيال النظرة في فكري ماراح .. ما تروح النظرة اللي خلت عيوني تصيح ,,,,, ,,,,, ,,,,, |
|
|
|
01-28-2011, 08:36 AM
|
#2 | |
|
رد: عيونها صاروخ
اصفق بحراره يامعلمنا الحب والعشق
والرومنسيه كيف تكون ابدعت والله تحياتى لك وردى واريج عطرى يعطروا صفحاتك |
|
|
|
|
01-28-2011, 02:45 PM
|
#3 | |
|
رد: عيونها صاروخ
ورده فى مهب الريح
اشكرك اختي العزيزه على هذا المرور الكريم منك منوره الصفحه با طلتك الجميله لك مني كل الاحترام والتقدير عبده الاعجم |
|
|
|
|
01-28-2011, 02:48 PM
|
#4 | |
|
رد: عيونها صاروخ
بارك الله فيك
وننتظر كل جديدك |
|
 وديَ ابوْح ب كل ما بخاطريَ مكَنونْ لـ كن .........ظروف الوقت تَلزم سكوتي ! مآ قوى لسآني ينطق سوى ْ : . . ! [ آللهم من آراد بي السوءَ ف شغله في نفسه ]
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
العرض العادي
