وقتٍ زرع صدري توابيت وقبور..

قلبي مدينة حزن وضلوعي السور
.................... ودمي دموعٍ مجمره في حناياي


ووقتٍ زرع صدري توابيت وقبور
........................ ليته دفنيّ ماخذا أحلام دنياي


الهم والحرمان والياس والجور
............. متعسكره فيني من اقصـاي لـ / اقصاي


وذاك المكان اللي من الناس مهجور
................... ياما هربت إليه ودموعي غطاي


تعبت أدور فـ / السما ومض بلور
.................. أشوف به دربي واميز به إخطاي


وتعبت أكون الصادقه شعر وشعور
................ مع نفسي وناسي وحتى مع اشياي


مابي كسر فيني من أحبابي ( كسور )
................. ماابي وجع بس الوجع شل يمناي


في واقعي غيّاب وفـ / قلبي حضور
................ ولالي وطن في أرضهم غير منفاي


مااقول أنا اغليهم بس القلب مجبور
............. يزرعهم بدمي ويمشون بـ / اعضاي


ماأعرف ألف إن ضاق صدري ولا ادور
.................... أحتاج لي قلبٍ به أفيّض بكاي


ولو اعرف أعاتب خطا الغير واثور
................... ماكنت أدور لاتضايقت مسراي


بعض الشعور يموت مايبصر النور
.................. لامن طلبته يحتضر في شفاياي


وجروحي اللي كنها صف طابور
................. مليت أغنيها على صرخة الـناي


وجفنٍ من مزون المشاريه ممطور
................ إينع سهر بعيوني وشب ظــلماي


ياحزن وش نوحك مع الدم مسعور
................ تنهش بنيبانك خفا الروح جـواي


ماتدري إني مات بي منك عصفور
............. أكبر طموحه كــان قطرات من ماي


فيني ظما وانا على ( سبعة بحور )
............... عيت تبل الريق وتغيث صــحراي


والدفتر اللي ماتت بحبره سطور
.......عجزت أفضفض به عن أوجـاع (علياي)


يارب لاضاقت علي عطني شعور
...........لو هو ( وهم ) أرسم به الحلـم وياي

أختي (( الحيــــاه حلــوة ))

بــارك الله فيـــك علـى الإبــداع الرائــع قصيــدة في منتهــى
الروعــة أبيــات رائعـة وسطــور منظمـة وحــروف ذهبيــة
سلمــت يــداك على النقــل الرائــع والمذهــل دمـتي يا أختـي
الحيــاة حلـــوة ودام إبداعك تقبلي مروري ولك أجمل تحياتي


أخوووك (( أبوغــــــــلااااء ))