مواصفات الرجل الخائن

06-16-2011, 09:20 AM

· 1) موبايله دايماً عليه قفل والموضة الجديدة موبايلين بقفل

2) كل ما تدقي عليه بيطلعلك (مشغول) وسبحان الله بالبيت موبايله مابيرن أبداً وغالباً ليش لأنو سايلنت

3) اذا نسي موبايله وهو نازل عالشغل ولا عالصيدلية بيرجع متل الصاروخ ليش من شان ياخده

4) بيفهمك أنه أكثر واحد في الدنيا يستعمل الآلة الحاسبة .... بس هو في الواقع يا حبيبتي بيبعت مسجات

5) الفاتورة هي حلم انك تشوفيها لانه بياخذ الفاتورة من شركة الاتصالات مباشرة

6) ازا راح لينام بيقفل موبايله مو مشان سواد عيونك، بس صاحبته بتغار عليه يابعدي وما بدها يغازل غيرها

7) عنده ردود استباقية ....... يعني اذا دق موبايله بيقلك لك هادا واحد مابدي رد عليه بدوووووون ما تسأليه مين

لونسي الموبايل بالغلط ولقاكي ماسكتيه أو حتى عم تتفرجي عليه بعيونك بيصير يعيط ويشيط كأنه صار شي زلزال

9) يكون عنده ارتباط شرطي بين المسجات أو الرنة والطلعة من البيت!!

أبصر شو العلاقة بينهم بس لازم يهرب من البيت بعد ماحدا يدقلو أبصر لوين بيروح وبيغط

10) بيحكي من مواقع غريبة - حمام - مطبخ المهم يقفل الباااااااااااااااب

11) فيه أسماء غريبة في موبايله على سبيل المثال
ابو غادة = غادة
عنتر = عبير

انور = نورة

12) فجأة بيصير حبيب معك بدون سبب (هي عقدة الذنب)

13) ما بيمنعك من الروحة لأي مكان ... لأنه بدو يخلص منك يا هبلة

دايماً بيقلك روحي انبسطي الله ييسرلك والقلب داعيلك

14) دايماً عنده شغل بمدينة تانية ليلة وبيرجع !! مابيطول يابعدي

15) اذا رحتي على بيت اهلك ودق وقلك اذا مبسوطة مع اخواتك نامي اليوم عندهم مو مشكلة حبيبتي \

16) بيغسل قميصه بعد الويك اند بالمصبغة مو بالبيت من شان يمسح الاثار يامووووو

الخلاصة :
اذا توفر 3 من الشروط السابقة يمكن انك عم تتوهمي بس انتبهي

اذا توفر 7 من المواصفات السابقة خافي على زوجك وابدي شكي

اذا توفرت 10من الصفات السابقة اكيييد انو عم يخونك

اذا توفرت 13 من المواصفات السابقة اي بقطع ايدي اذا ماعم يخونك

اذا توفرت 16 كاملة قومي ضبي غراضك وشنطتك وروحي على بيت اهلك