06-25-2011, 11:59 PM
|
#1 | |
 
|
على نغمة حزين الناي بديت ارتب افكاري
 على نغمة حزين الناي بديت ارتب افكاري مدخل / / هـب الـهـوى يـاصـاحـبـي بـالـولـه هـب . . . . .الـحـب مـركـب والـمـشـآعـر شـراعـي عـنـوة سـفـر وجـروح وهـمـوم تـتـعـب . . . . .سـفـيـنـة ٍ تـبـحـر لـمـيـنـا الـضـيـاعـي الـحـب لـذهـ والـمـفـارق يـعـذب . . . . . . واقـوى طـعـون الـحـب يـوم الـوداعـي على طاري قصايدنا القديمه وحبنا المفقود . . . . . على نغمة حزين الناي بديت ارتب افكاري على حب ٍ تمربه السنين وداخلي موجود . . . . . على هاجوسي ومعناي اترجم جملة اشعاري على مرسى بحور الشوق وطيف ٍ زارني بركود . . . . . على الذكرى من الذكرى قضيت الليل سهآري على شفاتك وهمساتك وقوة سحرها المعقود . . . . . على دربك على قربك إليا اعلنت مشواري على يدينك ولمساتك على رمش العيون السود . . . . . على حكيك على مشيك إليا شديتي انظاري على خدك ووجناتك وشعر ٍ ريحته كالعود . . . . . على اسمك لاكتبته في قصيدي فاحت ازهاري على شمس الصباح إليا اشرقت في وقتها الموعود . . . . . على اصوات الطيور إليا تغنت فوق الاشجاري على ضيقاتي بصدري وطيحة حظي المقرود . . . . . على بخل الليالي والعذاب وقـلـًة اقداري على التاريخ وامجاده على عز الكرم والجود . . . . . على الشيمه على القيمه على جاري قبل داري على حاظر تضيعبه المباديء والرجال شهود . . . . . على ناس ٍ كأن الله خلقها لحمل الأسفاري على نزف القصيد اسهر على شاطي متى بتعود . . . . . أعزف من المشاعر مايشد ويذهل القاري على شوفتك يآعمري أحن وابذل المجهود . . . . . أنا الشاري إذا باعوك انا الشاري انا الشاري احن من القهر بعدك كما حنة خلوج الذود . . . . . اموت من الوله لأجلك ليآ شفت القمر ساري اشوفك ياحيآتي كل ماهبت علي النود . . . . . وانادي من الوله وينك واشقق لأجلك ازراري ياحب ٍ ماقدرت اخفيه مع ايامي غدآ مولود . . . . . يازهر ٍ ناعم الملمس يزين ضفة أنهآري ياخف الدم يالطيبه يأول وآخر العنقود . . . . . ياصدق الصدق يامملوح يانهر من الدلع جاري ياروح ٍ عانقت روحي ياحبل من الوصل مشدود . . . . . ياكبتن في سما شعري ياطايرتي ياطياري احس ان الجسد دوله غنيًه وافرة مورود . . . . . وطغى حبك على قلبي وفزتي فـ استعماري تعرفيني على خبرك أعقد الرآي أضد حشود . . . . . عتيبي ماعرفت الخوف على فتل الحبل ضاري ولكن الهوى جاير يقود الفكر صوبك قود . . . . . يبيًح سدي المكنون ويكشف خافي استاري ابوصف لوعة الفرقا كأن النار تاكل عود . . . . . اسج ويحترق قلبي ليآ من جابك الطاري تعالي برخص سنيني وثمين المال معه الذود . . . . . تعالي والغلا وهبه من الخالق من الباري خفوقي يرسل احساسي يبي من عندكم مردود . . . . . يميني خطته لأجلك ولاتدري به يساري نظمت القاف لعيونك ترى جودي من الماجود . . . . . تقبل من صميم الذات أحق واصدق اعذاري مخرج // الـحـب قـوًه تـشـبـه الـجـيـش فـالـحـرب . . . . .مـن طـاح مـايـغـنـيـه كـثـرالـتـداعـي اشـد مـن حـد الـمـهـنـد عـلـى الـضـرب . . . . .وألـطـف مـن احـسـاس الـزهـرفـالـمـراعـي مما راق لي |
|
ليكن انتقادك كالمطر الرقيق يكفي للتغذية والنمو ولايدمر الجذور . ..)
(علّمْنِي إنْ لَمْ تَتَعَلَّمْ مِنّـي ) 
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
العرض الشجري
