ريحة الصبح مع فيروز لا غنـّت

بنتٍ رمَتْ من يديها الورد وإنجنـّـت
وإستوطن الشوك كف العاشق الهادي

قال : السما باركت لي . قالت , ودنـّـت :

مبروك دامك غديت بهالسما شادي

حاول يطول الخضوع وعزّته منـّـت

وإستدرك إنه ( رجل ) والدمع مو عادي

قال : إقبليني مادام الروح ما ونـّـت

وإخذي بوقتي وشوفي كيف ميعادي

قالت : أنا ما عرفت إلاّ أنت , ثم كنـّـت

وإسترسلت : بس أحسّك داخلي غادي

يا ريحة الصبح مع فيروز لا غنـّت :

نسـّـم علينا الهوا من مفرق الوادي

ما عاد فيني صبر والعين ما ظنـّـت

غيرك يجيها بكل الصدق وينادي

ملـّـيت أشوفك ورا الأهوال تتصنـّـت

وأروح أبعثر عشانك كل شي سادي

أدري على شوفْتِك أحلامي إتهنـّـت

وأجزم بكل الأمل ما غيرك فوادي

لكن ترى غيبتك شهرين ما ثنـّـت

ولا عطتني مجال أستقبل أعيادي

قال : النسايم أحس إنْها معي حنـّـت

قالت : دخيل الهوا خذني على بلادي

وإتشابكوا بالأيادي والسما دنـّـت

والطير رفرف على صدر السما شادي

إحساس
كلمات رسمت اروع لوحة رومنسية ،،
يعطيك العافية،،،

تسلمين على الطرح يالغلا
ربي يعطيك الف عآفيييه
لاخلا ولا عدم
دمتي بووود..}~

خطت ..لنا.. اناملك..أرقى.. الحروف.. وأعذبها
كلمات.. تلألأة.. في.. سماء..قلوبنا
عذوبه.. طاغيه..وراقيه
راق.. لي.. المكوث ..هنا.. في.. صفحتك

<IFRAME height=250 src="http://im20.gulfup.com/2012-05-23/1337728630772.swf" width=600 quality="high" loop="false" menu="false" TYPE="application/x-shockwave-flash" AllowScriptAccess="never" nojava="true"></IFRAME>

مشكورين على مروركم
دمتم بخير