-*™£ منتدى آل شراحيل بفيفاء£™*- - دخيل العيون اللي عليها الحلاا جذاب..

دخيل العيون اللي عليها الحلاا جذاب..

دخيل الغلا اللي راح واللي وقف مرتاب
بسميه عشق وأنت مدري وش تسميه

ودخيل العيون اللي عليها الحلاا جذاب
تشوف الولع فيهم ولا تدري وش تاليه

دخيل المكان اللي جمعنا ولا هو إعجاب
إذا لي معزه طاري البعد لاتطريه

لو تشوف وضعي عند ماتلتقي الاهداب
لك الله لو لك نية بالجفا تلغيه

أنا وأنت غايب كن وسط العيوون ترااب
تنام الخلايق ولا أنا النووم مالي فيه

ذبحني غلاك اللي سرى مثل سم الدااب
طفح بالعروق وكل ماوافقه ينهيه

بقى قلبي اللي ماذبحته وأهو منصااب
أنا ادري تبي تستوطنه يومك تخليه

سكنته وأهو عمره قفل بالوجيه البااب
أنا أعرف قلبي لاعشق لارحم واليه

يجي كله من أقصاه ويحب بأستغراب
وفا فيه ماهو مع بشرر ليتك إداريه

ترفق على قلبٍ تلوع بك ولا تاب
تعذب ولامنه نوى البعد مايمديه

تمكنت به حيث الولع مثل غرس الناب
مصيبتك تدري بس ليه المفارق ليه

دخيلك على بعضك ولاهي بدعوى عتاب
تعيد النظر فالبعد من قبل لاتبديه

عليك الله أكبر وأنت حكمك شريعه غاب
تجيب الطعون وتجرح الخافق وتدميه

وأنا أموت فيك وصال وأموت فيك غياب
وإهي موتة وحده مع فارق التشبيه

ومن قال مابه موت بالحب قل كذاب
(جميل وبثينه) ماذبحهن مرض ياهيه

أحبك ومن حبك خسرت أغلب الاصحاب
أذا عاتبوني فيك أعتابهم مابيه

أحبك ولا تسأل حبيبي عن الاسباب
أنا لو أعرف أسباب حبك قدرت أنهيه

أنا بسألك؟ هو صحيح الهوى غلاب
أنا بنصح اللي مثل شرّواي لايمشيه

ومن لايحّسب بالهوى للفراق أحساب
لك الله ماغنى سلامه يبي يغنيه

مثل هل دمعي وانت رايح وطرق حجاب
ومثل مارمى عبدالحليم الزهر يرميه

وأذا فيه بكتاب النحو للفراق إعراب
فهو فعل مطلق والجفا ماضيه

الا ليت ربي ماخلق بالغرام غياب
وإذا فيه فرقا طاري الحب لاتطريه

رد: دخيل العيون اللي عليها الحلاا جذاب..

زمااااااان الصمت
رآآآئع كروعتكـ
أختيآآر مميز كأطلآلتك
تسلم أنااااملك
تقبل مروري
مودتي لسموكـ

http://www.s-3shag.com/vb/images/smilies/n/n33.gif

رد: دخيل العيون اللي عليها الحلاا جذاب..

الشكر والتقدير لكم على هذا الموضوع الجميل
وفقكم الله تعالى لكل خير
ودي وعبير وردي واريج عطري

عابرسيبل

رد: دخيل العيون اللي عليها الحلاا جذاب..

http://imagecache.te3p.com/imgcache/...1fdb8dc927.gif

زمان الصمت
اشكرك اخوي على روعة ماطرحته
ابيات قمة في الروعه
لاعدمناك
وبارك الله في جهودك
ودمت بهذا التألق والعطاء
وبانتظارجديدك القادم
وعساك على القوه
والله يعطيك العافيه

رد: دخيل العيون اللي عليها الحلاا جذاب..

يعجز القلم عن كتابة رد لهذه القصيده
العذبه .. الرائعه .. المبدعه.. المتميزه
حقا .. أبدعت كل الإبداع .. إنتقاء روعه
سلمت أناملك الذهبيه
تقبل اعطر وأزكى التحايا القلبيه

رد: دخيل العيون اللي عليها الحلاا جذاب..

نورتوا متصفحي،،،
اسعدني مروركم لاعدمت الطلة ،،،

رد: دخيل العيون اللي عليها الحلاا جذاب..

اشكرك على الابيات

رد: دخيل العيون اللي عليها الحلاا جذاب..

العفو أختي
تشرفت بمرورك العطر،،،،

رد: دخيل العيون اللي عليها الحلاا جذاب..

أخي (( زمـان الصمــت ))

بارك الله فيك على الإبداع الرائع قصيدة في منتهــى
الروعة أبيات رائعة وسطور منظمة وحروف ذهبية
سلمت يداك على النقل الرائع والمذهل دمت يا أخـي
زمــان ودام إبداعـك تقبـل مـروري ولك أجمـل تحياتــي

أخوووك (( أبوغــــــــلااااء ))