|
على الله والولي الله
السلام عليكم ورحمة الله وبركاته على الله يازمن بشكي جروحي والليالي طـوال عسى راعي العنا ينسى عناه وينشرح صـدره على الله يازمن بشكي همومي والهمـوم جبـال تعدّت عاصمة حزنـي حـدود العالـم بأسـره خسارة يالسنين اللي كتبتـي سيـرة الرحـال فرحت امس وحزنت اليوم بس الخوف من بكره لساني كم شكى صمته والى منه حكـى ماقـال طغى طبع السكوت بسيرة المحروم من صغره كبرت وكبرت احلامي وصارت قصة الترحال اماني في مهب الريح وحلـمٍ مااكتمـل بـدره وانا منهو فقد صوته وبعض الصوت به مـازال دعيـت الله يفرّجهـا علـيّ وبحّـت النبـره أشيل الحمل عن غيري وحملي صار ماينشـال كما الشيخ الهزيل اللي مشيبه منقـضٍ ظهـره عزيزه يالحروف اللي سكتـي والكـلام يقـال حكيتي ماشكيتي الهـم وهـم القلـب ياكبـره وعن حر الزمن صار حروفي للجروح ظـلال تذرّت عن هبوب الياس حلمٍ قد بنـى قصـره عساها للمطر روحٍ بها وادي الظمـا ماسـال عروق سنينها جفت ووراهـا الزمـن غـدره على الله ينجلي وقـتٍ قضيتـه هـمٍ وغربـال ويشعّ النور في قلبٍ غشى ليل الظَلَـم فجـره على الله والولي الله وبامـر الله يزيـن الحـال ويضحك للزمن قلبٍ مع همومه قضـى عمـره مما راق لي |
رد: على الله والولي الله
هلا والله بخوي طراد
منور وربي يعطيك الف عافيه انتقاء اكثر من رايع صح لسان قايلها ويسلم يدينك لاتبطي علينا بجديدك تقبل طلتي |
رد: على الله والولي الله
اشكرك على الطرح
|
رد: على الله والولي الله
|
رد: على الله والولي الله
مشكورين على المرور نورتو الصفحة |
رد: على الله والولي الله
اختيار جميل
يعطيك العافيه |
رد: على الله والولي الله
يعجز القلم عن كتابة رد لهذه القصيده
العذبه .. الرائعه .. المبدعه.. المتميزه حقا .. أبدعت كل الإبداع .. إنتقاء روعه سلمت أناملك الذهبيه تقبل اعطر وأزكى التحايا القلبيه |
رد: على الله والولي الله
أخي (( طـــراد )) بارك الله فيك على الإبداع الرائع قصيدة في منتهــى الروعة أبيات رائعة وسطور منظمة وحروف ذهبية سلمت يداك على النقل الرائع والمذهل دمت يا أخـي طــراد ودام إبداعـك تقبـل مـروري ولك أجمـل تحياتــي أخوووك (( أبوغــــــــلااااء )) |
رد: على الله والولي الله
زارع الورد ـ أبو عبد الرحمن ـ أبو غلاء شرفني مروركم ولكم كل الشكر والتقدير على الإطراء ودمتم في رعاية الرحمن |
| الساعة الآن 02:43 PM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
SEO by vBSEO
sh22r.com