كان لك قلبي مدينه...

08-04-2011, 02:50 AM

ما تغيَّر شي .. لكن .. صار فاضي هالمكـان
يعني إنتَ شفت قلبي! طحت مِنْ عيني وعينـه

كان لك قلبي مدينه ولاحظ إني قلت :{ كان }
يعني إنتَ الحين واحد { خارج حـدود المدينه }

ليه مستغرب كلامي وليـه أعطيـك الأمـان ..!
وليه تَكْذِب في كلامك العـذر وينـك ووينـه ..!

ما ألومك كان قلبـك ثـارت أمواجـه وخـان
الخطــا منَّي لأني صرت فـي بحـرك سفينـه

والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..!

جرحي ما يرضيه قلبك لو يجـي كلِّـه حنـان
لو تبــوس الجرح فيني ولـو تقبلهـا إيدينـه

يُوم أحبك قلت كلمه : { يكرَم المرء أو يُهان }

وإنتَ قلبي ما كرمته وما قدرت إنِّـك تهينـه

{ عزِّتـي } .. ما هي جديده آنا شامخه من زمان
إغسل إيدك من رجوعي وروح يا إبن اللذينه

طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بفراقـك يعينـه

تدري لما قلت أحبك قلت وما عنـدي ضمـان
وإختياري كان خاطىء .. تجربه بالحيـل شينـه

كنت تخطي وكنت أسامح مرَّه مرتين وثمـان
أدمح الزله عشانك وأكتـم أنفـاس الغبينـه

كنت أحبك وكنت أعزك والغلا فينـي جبـان
اخاف تزعل لو ألومك ضعت ما بينـك وبينـه

في عيون الناس عادي بس في عيني جنـان
وكان قلبي من يشوفك تفضحه نظـرة حنينـه

ماني أوَّل من يحب ومنتَ آخر شخص خـان
المحبه في زمانك بحـــرها من غيـر مينـه

الفشل .. كان النتيجه وأعتقـد آن الأوان
ببني مستقبل حياتي وأنسى قصتنـا الحزينـه

وخطوتي الأولى غيابك وراح أطبقها عشـان
يبكي قلبك لا فقدني والندم .. يملـي سنينـه

جاي تسأل عن مكانك ..! هو بقى فيني مكان ..!
الله يرحمها المشاعر اللي كانت لـك رهينـه

قلت لك قلبي { مدينـه } فيها لك حشمه وشان
لكن إنتَ الحين أغرب شخص في هذي المدينه

08-04-2011, 03:15 AM

08-04-2011, 03:45 AM

أخي (( زمـــان الصمـــت ))

بارك الله فيك على الإبداع الرائع قصيدة في منتهــى
الروعة أبيات رائعة وسطور منظمة وحروف ذهبية
سلمت يداك على النقل الرائع والمذهل دمت يا أخـي
زمان الصمت ودام إبداعـك تقبـل مـروري ولك أجمـل تحياتــي

أخوووك (( أبوغــــــــلااااء ))

08-04-2011, 04:03 AM

آبيات جميلة

عوآفي يَ زمان الصمت

08-04-2011, 05:17 AM

ابيات رائعه
اشكرك اخي على الطرح

08-04-2011, 06:28 PM

نشكرك على طرح هذه القصيده المميزه
ابيات رائعه وكلمات روعه وحروف اروع
واحساس راقي ومشاعر مرهفه سلمت
الأيادي وسلم نبض قلبك انتقاء ذوق
تقبل اعطر التحايا وأزكاها

08-04-2011, 06:50 PM

اقتباس : المشاركة الأصلية كتبت بواسطة الشاعر ابو سلمان [ مشاهدة المشاركة ]

وفيك ابو سلمان ،،

08-04-2011, 06:52 PM

اقتباس : المشاركة الأصلية كتبت بواسطة ابوغلاء [ مشاهدة المشاركة ]

أخي (( زمـــان الصمـــت ))

بارك الله فيك على الإبداع الرائع قصيدة في منتهــى
الروعة أبيات رائعة وسطور منظمة وحروف ذهبية
سلمت يداك على النقل الرائع والمذهل دمت يا أخـي
زمان الصمت ودام إبداعـك تقبـل مـروري ولك أجمـل تحياتــي

أخوووك (( أبوغــــــــلااااء ))

ابو غلا
اسعدني مرورك الكريم ،، لكِ مني
ارق التحايا،،