قول عادي.. بالي اليله طويل ..

08-18-2011, 02:05 AM

قول عادي.. بالي الليله طويل ..
............ شُوف لِك عذرٍ قديمٍ / وأقبِلَه !!

لا تخافي... قلبي مِتعَوِّد يشيل ..
............. الجُروح الي تجي له مُقبِلَه ..

" طيبتي " صارت مثل كف البخيل
............ أيِّ شَي طايح .. تِشُوفه ؟ تحمِلَه

و " عزِّتي " تقدر تِسَمِّيها : النخيل
............ لأني شامِخ .. والعواصف قاتِلَه

وعادي جداً .. إنِّي الليله عليل ..
............ الحزن : يحْسِبني واحد مِنْ هَلَه !!

ومو غريبه .. لو تِمَنِّيت الرحيل
............. البقاء أحيان , يعني .. البهذلَه !!

في غيابك .. ما لَهَا الضيقه مثيل ..!
............. وربِّي الِّي .. ما يشاءه , يفعلَه

مِنْ يلاقي ل دنيتي هذي بديل ..؟
.............. خل يجيني أي شخص .. أبَدِّلَه

وعيب راسي لا بغى شي " مستحيل "
.............. يوصله مو طيب .. غصبٍ يوصلَه

ليه راجع ؟! ليه ذاكر ..؟ ي الأصيل ..؟؟
................ إنت ضايق.. ؟!في خطأ بالمسألَه !!

وليه تبكي مِنْ كلامي يالدخيل ..؟
............... المشاعر .. ما لَهَا بقلبك صِلَه ؟!

و البلا .. إن حَبْ أنسان " ثقيل "
.............. ينسى مِن حُوله ويسْمَع مُذهلَه !!

مِن عرفتك .. ما بقى باليَد .. حيل
.............. ولو بكيفي .؟ قلبي محدٍ يدخلَه

ومِن عرفتِك .. حظِّي العاثر يميل ..
.............. أعترف لِكْ إنِّي عاجز أعدِلَه !!

فاقد الإحساس / ما يعطي القليل
............... وإن عطيته إحساس قلبك ؟ يقتِلَه !!

إيه ب أرحل والطريق أدري .. طويل ..
............... مشكله " قربك " .. وبُعدِك مشكلَه .!!.

وإن خذاني المُوت إترك قالٍ وقيل ..
............. قول هالجُمله .. وخطاك (أمحلِّلَه

ربِّي ألهَم أهله الصَبر الجَميل .. .........وإرحمه يا رب وإحسِن مدخلَه!!!

08-18-2011, 02:12 AM

زمااااان الصمت
كلمات لآمست آلكثير من المشآعرْ
سٌطّرت بجميل ورقة كلمآتكْ
آحسستٌ...بصرخآتٌ تٌنآجي...وتٌنآديْ
كم كآن لبٌوحــكْ صوتاُ مسموع ونبضاً يرنْ
كم كآنت لكلمآتكْ جمآلاً عذباً بشفآفيتها...وعذوبتها
دٌمت كمآ آردت وبقلب من آحببت
لروحك خآلص إحترآمي

08-18-2011, 02:20 AM

وكم كان جمال حضورك ايتها الحياة حلوة باذخ
والمفرداتك الجميلة وقعها العذب في النفس،،
اشكر لحضورك العطر ،،
تحية بعدد النجوم
وباقة جوري...

08-18-2011, 02:46 AM

أخي (( زمــــان الصمــــــت ))

بارك الله فيك على الإبداع الرائع قصيدة في منتهــى
الروعة أبيات رائعة وسطور منظمة وحروف ذهبية
سلمت يداك على النقل الرائع والمذهل دمـت يا أخـي
زمان الصمت ودام إبداعـك تقبـل مـروري ولك أجمـل تحياتــي

أخوووك (( أبوغــــــــلااااء ))

08-18-2011, 05:03 AM

يعجز القلم عن كتابة رد لهذه القصيده
العذبه .. الرائعه .. المبدعه.. المتميزه
حقاً .. أبدعت كل الإبداع .. إنتقاء روعه
سلمت أناملك الذهبيه
تقبل اعطر وأرق التحايا القلبيه