مدينـة تنتظـر رجعـة غريـب ...

جا يشـوف الحـال كيفـه بعـد ماهـزه حنينـه
وقبل يسألني سألتـه : كيـف حالـك يالحبيـب ؟

قال : انا كنـي غريـب ضيـع دروب المدينـه
قلت : انا كنـي مدينـة تنتظـر رجعـة غريـب

قال : اجل وش فيك تكره سيرة الحـب وسنينـه
قلت : أجل وش لون ما اكره سيرته دامك تغيـب

انت لا من غبت حتى مرايتـك صـارت حزينـه
كيف ما تبغاني أحزن وانت لي حظ ونصيـب !؟

الهدايـا و الرسـايـل و المكاتـيـب الثميـنـه
والليالي و القمر و الريـح و الكـون الرحيـب

كل ما تبعد .. تجيب الشعـر ليـه مـن يدينـه
و تقعد جروحـي تـودي فالطواريـق و تجيـب

يا بعـد كـل القصيـد و نـزوة حـداه و انينـه
لا ذكرتك لاح بيت .. و طاح ورد .. و فاح طيب

و ان نسيتك ما نساني صوتك المبحـوح لينـه..
.. ياخذ لجرحي بثـاره مـن خطايـاك و يطيـب

و بعد هذا جـاي ترمـي ذنبـك بوجـه المدينـه
مـا دريـت ان المدينـه كلهـا شمعـة غريب

مما راق لي...
زمان الصمت...

أخــي (( زمــان الصمــت ))

أشكــركــ علــى طــرح القصيــــدة الرائعـــة والجميلـــة
سلمـــت يمنـــاااك علـــى ماخطتــه لنــا مـن حــروووف
ذهبيـــة تثيــر مــن يقـــرأ بالإستمتـــاع فــي قـــراءتهـــا
فقـد أذهلنــي جمـــال قلمـــك البــــاهــر ويعطيــك العــافيــة
علــى روعـــة الطـــرح تقبـل مـروري ولــك أجمل تحيـــاتـي


أخـــوووك ((** أبـــوغــــــلاااااء **))