لا جيت ابنسى واتراجع واسامحك
صاحن جروحي واشتكن لي طعونك

كلك خيانه قول .. وشلون ابمنحك
وش موقـفك من شخص دايم يخونك !!

اكبر خطا.. لو جيت يمك اصالحك
اول تحوّل .. لاتـغرّك إلحونك

اللي تـقوله صح .. لو كنت جارحك
(مير) انت غارق للاسف في ظنونك

وصفك نسيـته بس .. باقي ملامحك
بنهيك وانهي بالنهايه جنونك

ماتستـحق امد (كفي) واصافحك
مثلك غلط عمري وابحيا .. بدونك

لعبت دورك شاهداتٍ مسارحك
خدعتـني واظهرت خافي فنونك

كنت اعتـقد .. قلبي هو ابرز مطامحك
اللي يبيع الناس لجله يصونك

تعـبت اسوق الشوق يمك واصارحك
اخلصت لك بالحب .. شوفت عيونك

لكن خسارة صرت غاية مصالحك
ياليـتـني ماجيت .. لحظه بكونك

بالامس كنت بـنشوة الحب .. امازحك
اخيل برقك واتـحرى امزونك

واليوم من صفحة حياتي .. ابمسحك
هديت صرحك ثم طاحت ركونك

ولابي عيوني لو تصـورت تلمحك
اعلنـت موتك .. وانـسجن لي كفونك

وان جيـت تطلب .. ترتجيـني اسامحك
بهديك طعنه .. من بقايا طعونك








ممـــــــا لامس احســـــاسي http://ksagirl.com/vb/images/smilies/give_rose.gif

أخــتي (( الحيـــــااااه حلــــوهـ ))

أشكــركــ علــى طــرح القصيــــدة الرائعـــة والجميلـــة
سلمـــت يمنـــاااك علـــى ماخطتــه لنــا مـن حــروووف
ذهبيـــة تثيــر مــن يقـــرأ بالإستمتـــاع فــي قـــراءتهـــا
فقـد أذهلنــي جمـــال قلمـــك البــــاهــر ويعطيــك العــافيــة
علــى روعـــة الطـــرح تقبـلي مـروري ولــك أجمل تحيـــاتـي


أخـــوووك ((** أبـــوغــــــلاااااء **))