-*™£ منتدى آل شراحيل بفيفاء£™*-

-*™£ منتدى آل شراحيل بفيفاء£™*- (https://www.sh22r.com/vb/index.php)
-   【 منتدى الشعر وهمس القوافي 】 (https://www.sh22r.com/vb/f10)
-   -   قصيدة عقبال مية عام - محمد بن فطيس (https://www.sh22r.com/vb/sh22r30901/)

الحياه حلوه 10-08-2011 11:08 AM

قصيدة عقبال مية عام - محمد بن فطيس
 
عقبال ياماخذ فؤادي مية عام ..
.. ضيعتني منك وانا ما اهتديتك

لا ..ما نسيتك كيف بانساك ما دام ..
.. ذكرى الفراق تهزني لو نسيتك

حبك قدر وانا على دين الاسلام ..
.. مكتوب في وجه الجبين ورضيتك

لك في الضمير الود والحشمه اتوام ..
.. ولي في ضميرك مثل ما انا بغيتك

ولك منزل في نايف القلب وخيام ..
.. وذود الغلا ترعاه ولا شكيتك

يفطر عليك القلب وان فارقك صام ..
.. والله لونك شوك سدره كليتك

القلب طير لادعي للهوى حام ..
.. والا انت وكره من كثر ماهويتك

كن العيون من النظر عقبك ايتام ..
.. وكني ماريت الا انت من يوم ريتك

وكنك معي وانا فقدتك من اعوام ..
.. مع الخيال القاك كني لقيتك

من صعب وصلك ما تهنيتك احلام ..
.. وان جابتك فزيت شوق ومحيتك

يعني وصالك صعب واهدافي اوهام ..
.. يعني زرعتك للقدر ماجنيتك

صبرك يقولون العرب كل الايام ..
.. يوم عليك ويوم لاجاك جيتك

ويا قلب ياللي ورثك اجروح وآلام ..
.. بليتني ماهو بانا اللي بليتك

ولعتني من عادني في الهوى خام ..
.. واسرفت بي وانا خطامك عطيتك

طعتك وزبدة طاعتك هم وهيام ..
.. مالله كتب لي واستخرت وعصيتك

لوللقلوب اسواق بايع وسوام ..
.. لاابدلك وان جيتني ماشريتك

والا انت ياللي جيش عينيك مقدام ..
.. لا اقنعت منك والرجا مارجيتك

كني سجين بين..افراج ..واعدام ..
.. وكنك سجن وانا بنفسي بنيتك

تنبيك عن حالي محاصيل الالهام ..
.. وتخبرك نظراتي نهار التقيتك

عقب الوصال اللي على عين من لام ..
.. قدهو يكفيني عن الوصل صيتك

وقدني الى مريت بالشارع العام ..
.. لديت من ما في الضمير ودعيتك

ادري ان صوتي ماقطع عشرة اقدام ..
.. وادري بي اعود الى من نصيتك

ياشينها يامحني راس الابهام ..


.. ماقدر على شوفك وانا عند بيتك

الاعمار ما تضمن وانا اخاف الاحكام ..
.. ارثيك خاف اودعك ما رثيتك


احساس 10-08-2011 11:13 AM

رد: قصيدة عقبال مية عام - محمد بن فطيس
 
يعطيك العافيه على الابيات
روعه

الحياه حلوه 10-08-2011 11:29 AM

رد: قصيدة عقبال مية عام - محمد بن فطيس
 
أحساس ربي يعافيكي ويخليكي نورتي عسى الله مايحرمنا هاالطله http://dc09.arabsh.com/i/02012/vi2zwstv5ccv.gif

حنان الكون 10-08-2011 11:47 AM

رد: قصيدة عقبال مية عام - محمد بن فطيس
 
طرح راقي
ومجهود مميز كالعاده لاعدمناك يالغلا
يعطيك الف عافيه

وبانتظار مايجود به قلمك بشوق


http://files2.fatakat.com/2010/11/12892399361318.gif

"الراسي" 10-08-2011 02:32 PM

رد: قصيدة عقبال مية عام - محمد بن فطيس
 
اختيار رائع .
انت جميل بما تطرح لنا ..

عاشقة المستحيل 10-08-2011 02:38 PM

رد: قصيدة عقبال مية عام - محمد بن فطيس
 
http://www.redcodevb.com/smiles/smil...orums-0909.gif

ابوعبدالرحمن 10-08-2011 07:12 PM

رد: قصيدة عقبال مية عام - محمد بن فطيس
 
يعجز القلم عن كتابة رد لهذه القصيده
العذبه .. الرائعه .. المبدعه.. المتميزه
حقاً .. أبدعتي كل الإبداع .. إنتقاء روعه
سلمت أناملك الذهبيه

تقبلي اعطر وأرق التحايا القلبيه

ابوغلاء 10-09-2011 03:37 AM

رد: قصيدة عقبال مية عام - محمد بن فطيس
 
أخــتي (( الحيــــااااهـ حلــوهـ ))

أشكــركــ علــى طــرح القصيــــدة الرائعـــة والجميلـــة
سلمـــت يمنـــاااك علـــى ماخطتــه لنــا مـن حــروووف
ذهبيـــة تثيــر مــن يقـــرأ بالإستمتـــاع فــي قـــراءتهـــا
فقـد أذهلنــي جمـــال قلمـــك البــــاهــر ويعطيــك العــافيــة
علــى روعـــة الطـــرح تقبـلي مـروري ولــك أجمل تحيـــاتـي


أخـــوووك ((** أبـــوغــــــلاااااء **))


الساعة الآن 08:08 AM

Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
SEO by vBSEO sh22r.com