-*™£ منتدى آل شراحيل بفيفاء£™*-

-*™£ منتدى آل شراحيل بفيفاء£™*- (https://www.sh22r.com/vb/index.php)
-   【 منتدى الشعر وهمس القوافي 】 (https://www.sh22r.com/vb/f10)
-   -   ليتني ما قلت أحبك .. ليتني لك ما حكيت ,,!!‎ (https://www.sh22r.com/vb/sh22r31484/)

الحياه حلوه 10-21-2011 12:31 PM

ليتني ما قلت أحبك .. ليتني لك ما حكيت ,,!!‎
 
وش يهمك؟ ليه غبت؟!
ووين غبت؟! وليه جيت؟!..
دام ما هزّك غيابي وش يهزك.. لا لفيت؟!
~~~
ما تعوضني دموعك .. عن صدودك .. والجحود..
ليتني ما قلت لك.. ماحكيت !
~~~
ليتني ما جبت طاري.. ليتني.. ريحت بالي
وليتني في مثل حبك .. بالمحبه.. ما وفيت !
~~~
كنت ما افهم بالخيانه.. كثر ما اسمع.. بالخيانه!
وكنت وافي بالمحبه.. كثر ما عني.. سليت !
~~~
وكنت أشوف الناس مثلي .. غلطتي وأكبرذنوبي
ايه لاني بالمحبه .. في هواك انت .. ابتليت .!!
~~~
ايه لاني في عيوني كنت أشوفك شي ثاني ..
وش أشوفك شي ثاني ؟! كنت ملكك ! ما حييت..
~~~
كنت أردد في غيابك.. أجمل بيوت القصايد..
كنت أررد (من يقول اني بنسيانك.. نويت؟)
~~~
ثم أردد (وان قويت أنساك ؟ نسيانك صعب!)
وكنت أرددها بصوتي في غيابك.. بيت.. بيت..
~~~
وطحت من عيني حسايف من مكان(ن) كنت فيه
ما رقا به شخص غيرك..!! لا ولاغيرك.. رضيت !
~~~
لأنك أول شخص عندي وآخر انسان(ن) أبيه
ولأنك انت اللي ملكني ولأنك انت اللي قويت ..

~~~
يسكن بوسط الحنايا وان جرح قلبي يمون ..
ساكن(ن) وسط الخفوق وفي عيوني له مبيت..
~~~
جفني الأول فراشه وجفني الثاني غطاه..
ولو عطيته كل عمري أعتبرني ما عطيت ..!!
~~~
كنت مفرط في حناني .. وكنت مفرط بالغرام..
لين صرت انسان عادي.. في عيونك لو بكيت .!
~~~
من غلاتك ,, من قساتك ,, من جحودك للوفا ..
من ضياع سنين عمري.. وأروع أحلام(ن) بنيت..
~~~
أصبحت مثل الحطام اللي تطاير في هبوب ..!
ودي أستدرك شتاتي.. لا ضميت.. ولارويت ..!!
~~~
غير حبك.. يوم حبك .. ضيّع سنيني معاه.. !!
حسبي الله..ان صدفتك .. وحسبي الله ان طريت..
~~~
وين ما لديت وجهي.. ألمحك تضحك علي
ألمحك تضحك علي ..!! وغير ربي ما شكيت ..!!!
~~~
مات قلبي وش بقى بي؟ أسألك بالله حي؟!!!
والخفوق اللي رميته في هواك اليوم ميت ؟!!!
~~~
كيف أنسى؟!..وكيف أسلا؟!..
أسألك بالله كيف؟؟!!
ولو اقول اني نسيتك .. يعلم الله
ما نسيت ..!!!
~~~
طعنت(ن) أدمت جروحي .. من كفوف اللي عطيته..
كل شي(ن) في حياتي... وإعتبرني ما عطيت .!!!!!!!
~~~
أكرهك ؟!! وأكره حياتي ؟!! وأكره سنيني معاك..!!
وأوعدك ما احب ثاني .. طول عمري ما حييت ..!!!
~~~
وش يهمك؟! ليه غبت ؟! و وين غبت؟! وليه جيت؟!..
دام ما هزّك غيابي؟!! .. وش يهزك.. لا لفيت؟!!!! ~..

حنان الكون 10-21-2011 01:33 PM

رد: ليتني ما قلت أحبك .. ليتني لك ما حكيت ,,!!‎
 
طرح..راائع...من روعة صاااحبه....
سلمت يمنااااااك.....ولاعدمناا تواجدك
تقبلي مروري

زمان الصمت 10-21-2011 02:52 PM

رد: ليتني ما قلت أحبك .. ليتني لك ما حكيت ,,!!‎
 
الحياة حلوة..
شـكـرأ....
على روعة طرحك المليئ
بالتساؤلات؟!
بانتظار جديدك المميّز دوماً
دمت بخير وسعاده...


عاشقة المستحيل 10-21-2011 03:00 PM

رد: ليتني ما قلت أحبك .. ليتني لك ما حكيت ,,!!‎
 
رووووووووووووووووووعة
الله يعطيك ألف عافيه

ابوعبدالرحمن 10-21-2011 05:21 PM

رد: ليتني ما قلت أحبك .. ليتني لك ما حكيت ,,!!‎
 
يعجز القلم عن كتابة رد لهذه القصيده
العذبه .. الرائعه .. المبدعه.. المتميزه
حقاً .. أبدعتي كل الإبداع .. إنتقاء روعه
سلمت أناملك الذهبيه
تقبلي اعطر وأرق التحايا القلبيه

احساس 10-21-2011 06:03 PM

رد: ليتني ما قلت أحبك .. ليتني لك ما حكيت ,,!!‎
 

الحياه حلوه 10-21-2011 08:47 PM

رد: ليتني ما قلت أحبك .. ليتني لك ما حكيت ,,!!‎
 
http://www.drooopy.com/vb/imgcache/2/45608drooopy.gif
تشرفت بمروركم يالغوالي

[/table1]
اسير الشوق 10-23-2011 12:35 AM

رد: ليتني ما قلت أحبك .. ليتني لك ما حكيت ,,!!‎
 
[table1="width:95%;"]

طرح في منتهى الروعه
تسلم الانامل على الانتقاء الجميل
الله يعطيك العافيه على الطرح
ننتظر جديدك الراقي
أحترامي لك


الساعة الآن 08:53 AM

Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
SEO by vBSEO sh22r.com