10-25-2011, 02:54 PM
|
#1 | |
 
|
محد يالدنيا يستاهل!!! جـــــــد ماتستاهل
السلام عليكم ورحمة الله وبركاته إلى كل من عندها هم يثقلها معطل حياتها كارهه لأجله دنياها أقولها وأقول لنفسي قبلها محد بالدنيا يستاهل !! ولا شي بالدنيا يستاهل الدنيا ماتساوي جناح بعوضه انتي ومشاكلك واحزانك وافراحك وبلاويييييك كله ما يساوي جناح بعوضه محد يستاهل اصيح عشانه ولحد يستاهل احزن عشانه واوقف حياتي لعيونه الدنيا ياجماعه فاانيه يعني بيوم من الأيام بموت وبيحطوني بالقبر وبنسأل وش بقول وش بقول ؟؟ انت يارب بليتني وانا كانت عندي بلاوي عشان كذا ماطعتك يارب كانت عندي مشاكل وتعطلت حياتي وقعدت مثل الغبية اصيح عليها ياجماعه الدنيا تمشي وإذافي توقف فهو احنا اللي واقفين القي كل همومك ورا ظهرك وخلي شعارك محد بالدنيا يستاهل لا أهل ولوجفوك ولا زوج بهذلك ولا صديقه جفت فيك ولا **** حرق قلبك الدنيا عندالله جناح بعوضه بس يعني حتى مو بعوضه حقيييره ياجماعه احتسبي كل بلاء عند رب العالمين واحمدي ربك على كل نعمه انتي عايشتها حنا في نعمه والله مو حاسين الناس ..!! الناس عامليهم بذوق وإسلوب .. وزي ما علمتك امك من يومك صغيره سوي خير .. سوي خيييير ولا تنتظرين رد من احد او اعتبار من احد .. اذا بتسوينه سويه لنفسك .. لك إنتي عشان تعيشين مرتاحه ما تنامين وتقولين زعلت فلانه وضايقت فلانه وترا الدنيا دواره كما تدين تدان .. ربي ما ينسى ظلم !! طنشي طنشي طنشي ..!! فلانه تحش فيك فلانه تتكلم فلانه ما تحبك ..!! خليها حلالها .. هو احسن بعد خففت علي ذنوبي .. وعطتني من حسناتها تعلمي التطنيش والبرود وتوقعي انك تنصدمين . وكل ما انصدمتي بأحد كل ما صرتي اقوى كل ما صارت تجاربك وخبرتك الاجتماعيه أحسن وأحسن .. رمت عليك كلمه .. عادي ولا كأني سمعت .. ان دل يدل على قلة ذوقها وتهذيبها .. كشرت بوجهك .. ابتسمي !! واذا رفعت صوتها .. وطي صوتك .. ! واذا اتجنبتك .. تجاهلي وجودها ... "وترا ما طاح من النجوم اخف للسمـا دموعك !! دموعك ومشاعرك تراها اهم واغلى شي عندنا احنا البنات وهي الي تتحكم بنفسيتنا وأفعالنا.. حبي نفسك حبي نفسك حبي نفسك ودلعيها ..!! عشان تعيشين مرتاحه... خلي قلبك لك .. لا صديقه ولا قريبه ولا اي احد يستاهله .. حبي الناس بعقلك مو بقلبك عشان ترتاحين بحياتك .. نحبهم !! ليش نحبهم في الاخير الي يبكونا وهم مصدر تعاستنا وحزننـا !! لا تبكين على احد ابداً ابداً مين ما كان ..!! صدقيني لو كانوا يستاهلون كان ما خلوك تبكين ولا تحزنين ولا تتضآيقين .. ولا خلوا مجال دمعه وحده تنزل من عينك العافيــه !! كافي انك تمشين وتحركين يدينك ورجولك مافكرتي يوم تقولين الحمدلله !! يارب اني أمشي مو أتسحب من كرسي لسرير وأشوف نظرات الشفقه تحرقني احمدي ربك على كل نعمه انتي فيها .. الحمدلله !! المال ..! تاكلين تشربين تشترين تتسوقين تلعبين بالفلوس بيدينك ورجولك عايشه بأمن وأمان وتقولين يارب وش هالدنيا الغثا فلانه ضيقت صدري وعلانه سو وواختي سببت لي مشكله ولا أمي ولا أبوي أنا ما أبي الدنيا كرهت العالم ابي اموت ! مره وانا في السوق واحد وأمه اشكالهم جدن مبهذله و واقفين عند محل سينبون ويطالعون بالحلى الي عارضينه وبس يتفرجون وطولوا وهم بس يطالعون فيه .. طلع الولد كل الي معاه والام طلعت الي معها كله على بعضه ما جا 4 ريال !!! تخيوا سأل الولد الي يبيع اذا فيه شي من السينبون الي عارضينه بأربع ريال قاله لاء يا دوب تشتري فيهم مويه شفت في عينه نظرة انكسار وبوؤس مو طبيعيه لا هو ولا امه شي يبكي ويعور القلب!! احمدي ربك عشان ما يسلب نعمته عنك وصلي لك ركعتين عشان ربي يرحمك ويرفع عنك ضره احمدي ربك على العافيه والله يابنات اني كنت يوم من الأيام ضااايق صدري من موقف صار لي مع استاذة في الجامعه وأنا أمشي كارهه الدنيا وكان في قدامي ثنتين أشوفهم يتكلمون بس اللي لاحظته إن حركة إيدينهم كثيره ومو طبيعية !! يوم قربت اكتشفت إنهم ثنتينهم صم وبكم !! ما يتكلمون بنات صغار عمرهم اقل من عشرين والدنيا قدامهم مايتكلمون محد يفهملهم والله اني استحقرت هميونفسي قلت يارب انت انعمت علي انا كل يوم اتكلم مع أهلي هُم مـآيقدرون أنا إذا بغيت أصرخ صرخت هُم مـآيقدرون أنا أسولف مع صاحباتي والناس أضحك أبكي أنكت أتعرف على كل الناس أتكلم مع أمي أبوي هُم مـآيقدرون كل يوم لساني أحركه مليون مره وما عمري قلت الحمدلله ياربي إني أتكلم إيش كنت أقول أنا ضايقه ولحد يكلمني مالي خلقكم ولحد حاس فيني والله ولا شي ولا احد بالدنيا يستـــاهل همي !! إذا عندك هم صلي ركعتين واطلبي ربك يفرجها لاتذلين نفسك لخلقه ترى كلهم ضعاف ما راح يسوون لك شي واحتسبي الأجر احمدي ربك حتى على البلاء ان ربي بيكفر لك به ذنوبك اللي يشوف أهل البلاء يوم القيامه يتمنى ان جسده قرض بالمقاريظ حنا المرض الخفيف ما نتحمله احمدي ربك على كل بلاء لأنه خير والله لك وانتي اللي في النهايه بتلاقينه حسنات ولأن الدنيا ماااشيه وبتنتهي بيوم من الأيام ومرح تبقى كل النعم اللي اليوم انتي تطولينها مرح يبقى إلا عملك حنا ياجماعه همومنا موقفتنا عن كل شي ماعندنا غير نندب حظنا وعملنا ودينا ماسوينا شي ياجماعه أنصح نفسي قبلكم لأني الله يعلم بتقصيري ! وقلة صبري ..!! وضعفي ..!!! نبي كل شي لنا وإذا نقصنا شي تركنا كل اللي عندنا وقعدنا ننوح طول حياتنا على الناقص إذا ارتفعت حرارتي ماتحملت وقعدت أصيح طول الليل و بلال كان يضرب بالصخرة العظيمه الحاره بصحراء مكه وهو يقول أحــــــــــــدٌ أحــــــــــــــــد وش له من الأجر عندالله ياجماعه فكروا بس وش سويتوا ؟ وشو البلاء العظيم اللي مريتي فيه واللي بيكفر لك ذنوبك ؟ هذا طبعاً إذا احتسبتي الأجر وماكسبتي زيادة سيئات بالقنوط وسوء معاملتك لاهلك والناس ! إنتي عندك مشكله مع زوجك؟ بلاء في واحد من عيالك؟ مشكله مع صديقه؟ جفاء شخص تحبينه؟ ابتلاء في أمك وخواتك؟ عندك أب أو زوج أو أخ ظالم؟ عندك ابن أو أخ هايت ضايع حارق لك قلبك ؟ مشكله مع زميلة دراسه-عمل؟ حالتك المادية سيئه؟ فيك مرض مزمن خطير؟ أقول في كلا الأحوال احمدي ربك انك في بلد امن موبلاد فيها حرب عرضك مستباح دمك مستباح تصبحين وتنامين خايفه تعدين عيالك واخوانك قبل يفجعك الصبح الثاني بواحد منهم احمدي ربك إذا أصابك واحد من هالإبتلاءات إن ربي رفع عنك بقيتهم إذا أصبتي بالتهاب في الحلق فاحمدي الله أنك لم تصابي بسرطان في البلعوم وإذا أصبتي بمرض في القلب فاحمدي الله أنك لم تصابي بمرض القلوب الأعظم ( الكفر ) وإذا أصبتي بمرض في عينيك فاحمدي الله أنك لم تصابي بالعمى حنا في نعمه ليه نجحدها؟ ليه ننكرها؟ ونخلي ربنا يسخط علينا ربي رحيم كريم يعطي ويداه مبسوطتان وحنا نشكي لفلان وعلان محد بينفعك وإن نفعوك فإن ربي هو اللي يسّر لهم ! في الثلث الأخير من الليل كل يوم ربي ينزل للسما الدنيا ويقول هل من داع فأستجيب له كل يوم ياجماعه كل يوم وحنا كل يوم وش نسوي ! فكري بجد قاعده على النت ولا تسولفين مع صديقتك عالمسن ! ولا تلفزيون ولا فيلم .. ولا نااااايمه وربك العظيم جل جلاله نازل يسمع مطالب عبده ربي مايرد إيدينك إن رفعتيها ربك كريم عندك مشكله ؟ هو ملاذك اشكي لــــه كل شي مشاكلك الكبيره والصغيره الصحابه كانو يسألون الله حتى في شراك النعل !! وربي إن ما أجاب دعوتك ألحين بيثيبك على دعاؤك وبتاخذين أجر من إيش؟ مجرد سؤال وبيبرد على قلبك ربي ما بلاك إلا لأنه يحبك ربك قدير يقدر يبلي فلان من الناس وفلان لكن اختارك انت ليه؟ يبي ينكد حياتك؟ لاوالله لأنه يحبك ربك يحبك في أحلى شعور من هذا =') !! بلاءك مايزيد من ملكه شي سبحانه ولا ينفعه بشئ ينفعك انت ربك يحبك يبي يجمع لك رصيد تلقاه بعدين ربك هو اللي بلاك ماتستحين تشكين لغيره ؟ وتعصينه وهو أكرمك بابتلائه؟ أسأل الله أن يرفع عن كل قارئه كربها ويفرج لها كل ضيقه ويفتح على قلبها ويهديها وييسر أمرها ويكشف ضرها إنه سميع سبحانه مجيب الدعاء إن رباً كفاك ماكان بالأمس سيكفيك في غدٍ ما يكون |
|
<IFRAME height=250 src="http://im20.gulfup.com/2012-05-23/1337728630772.swf" width=600 quality="high" loop="false" menu="false" TYPE="application/x-shockwave-flash" AllowScriptAccess="never" nojava="true"></IFRAME>
|
|
10-25-2011, 03:10 PM
|
#2 | |
|
رد: محد يالدنيا يستاهل!!! جـــــــد ماتستاهل
نعم لا يوجد هناك ما يستحق ان نقف لأجله
هناك شيئ واحد يجب ان نقف عنده وهي عدم تجاوز حدود الله الشرعية فبذلك نكون حققنا موازنة نفسية الهية لرضى رب العباد وبذلك لا نعير قيمة لهذه الدنيا الفانية ولهذا البشر ولهذا الكون والجمال نعم بالأمس أخطأنا بل أذنبنا واليوم نتجرع جزاء ذلك الذنب صحبنا شياطين الجن والأنس بتزيينهم لنا طريق لا نور فيه واليوم نعيش لحظة ندم ولحظة عودة ولحظة توبة لماذا ؟ لأننا لم نجد أجمل وألذ من قربنا من الرب وخالق الكون شكينا للكثير وقابلونا بحلول ولكنها لم تكن تلك الشكوى وتلك اللذة التي يجدها المرء بسجوده ، دموع تنهمر دون نوقف ومن غير موعد ، لمن لله تعالى خوفا منه وطمعاً في مرضاته .. نعم كلنا اذنبنا وسترت ذنوبنا .. مالحل لتكفير ذنوبنا ؟ توبة صادقة استغفار يرطب فيه اللسان دعوة في آخر الليل فلنا رب نجده في وقت مظلم لا يعلمه إلا الله ويعد عمل خفي عن البشر . دعوة السجود في كل صلاة دعوة آخر ساعة من يوم الجمعة دعوة الأم وبرهما بذلك سنحقق لأنفسنا استقراراً بإذن الله سؤال أوجهه لمن سيأتي بعدي هل دمعت عينك ولو مرة من خشية الله ؟ إن لم تدمع فتأكد أنك مقصر في حق الله وبعيد عل البعد عن الله اشكرك على طرحك لهذا الموضوع الذي لامس شيئ في النفس |
|
|
|
|
10-25-2011, 06:41 PM
|
#5 | ||
|
رد: محد يالدنيا يستاهل!!! جـــــــد ماتستاهل
[table1="width:95%;"]
| [/table1]سلمت على روعه طرحك نترقب المزيد من جديدك الرائع دمت ودام لنا روعه مواضيعك |
|
 لآ تـِخـتَـبّــرٍِ }ஜ شـِوٍِقـيِ ஜتِـرآ , مـِآ بـقِـىٍ » Ҳ شـِوقَ  في حياة من عرفوني يوماً ♥ وأن يبتسموا عندما يذكروني
|
|
10-25-2011, 09:05 PM
|
#6 | |
|
رد: محد يالدنيا يستاهل!!! جـــــــد ماتستاهل
اسعدني مروركم لكم مني جزيل الشكر
|
|
|
<IFRAME height=250 src="http://im20.gulfup.com/2012-05-23/1337728630772.swf" width=600 quality="high" loop="false" menu="false" TYPE="application/x-shockwave-flash" AllowScriptAccess="never" nojava="true"></IFRAME>
|
|
10-25-2011, 10:40 PM
|
#7 | |
|
رد: محد يالدنيا يستاهل!!! جـــــــد ماتستاهل
 الحياه حلوه اشكرك على روعة طرحك كلمات جدا رائعه لاعدمنا تميزك المتواصل وبارك الله في جهودك ودمت بهذا العطاء والابداع وبانتظارجديدك القادم والله يعطيك العافيه  |
|
|
|
10-25-2011, 10:51 PM
|
#8 | |
|
رد: محد يالدنيا يستاهل!!! جـــــــد ماتستاهل
شكرا لكم على موضوعكم الراقي والجميل وبالتوفيق يارب
تقبلوا مروري وردي ولكم ودي وعبير وردي واريج عطري عابرسبيل |
|
|
للتـوآصل      تَوَاضَعْ تَكُنْ كالنَّجْمِ لاح لِنَاظـِـــرِ . على صفحـات المــاء وَهْوَ رَفِيــعُ ولا تَكُ كالدُّخَانِ يَعْلُـــو بَنَفْسـِـــهِ . على طبقــات الجـوِّ وَهْوَ وَضِيــعُ (`*•.¸(`*•.¸ A ¸.•*´)¸.•*´) ˜”*°•˜..♥..(-->♥ عابرسبيل♥<-- )♥..˜ •°*”˜ (¸.•*´(¸.•*´ A `*•.¸)`*•.¸) تقييم منتديات قبيلة ال شراحيل بفيفاء   زوروني هنا 
•
رسالة لمن غابوا عنا اين انتم
• ██▓▒░( ♥-.♪¸ بوح ـآلنبضآتـ¸لـع ـابرسبيل♪.-♥ )░▒▓██ • طلباتكم وآرائكم أوامر قيد التنفيذ.
|
|
10-26-2011, 10:04 AM
|
#9 | |
|
رد: محد يالدنيا يستاهل!!! جـــــــد ماتستاهل
اشكر تواصلكم معي وتواجدكم في صفحتي
كل التحيه والتقديرلمروركـم الرائع دمتـم ودام هذا التوصل الرائع لكـم مني كل الود |
|
|
<IFRAME height=250 src="http://im20.gulfup.com/2012-05-23/1337728630772.swf" width=600 quality="high" loop="false" menu="false" TYPE="application/x-shockwave-flash" AllowScriptAccess="never" nojava="true"></IFRAME>
|
|
10-26-2011, 11:57 AM
|
#10 | |
|
رد: محد يالدنيا يستاهل!!! جـــــــد ماتستاهل
ألف شكر لك على الطرح المميز
يعطيك ألف عافية أتمنى لك التوفيق ان شاءالله ^^ |
|
 
|
 |
| الذين يشاهدون محتوى الموضوع الآن : 18 ( الأعضاء 0 والزوار 18) | |
|
|
|
|
العرض العادي
