تصدق ولا ماتصدق...

11-09-2011, 04:38 AM

تِصَدِّق وإلا ما تِصَـدِّق .. أنا عَاجِزْ عَنْ التفكيـــر

تعَالْ وشُـوفْ في عينِكْ غِيابكْ وشْ عَمَلْ فينــي

حبيبي ما بُقى عِندي صَبــرْ .. يتْحَمَّلْ التأخيـــر

رَحَلتْ .. وعِقبكْ الدنيا غلاها طـــاح مِنْ عينـــي

أجَاوبْ اللِّي يسْألني عَنْ أخْبَاري وأقولْ بخيـر

وأنا لا خِيــر بغيابــــكْ .. ولا حَاجَـه .. تهنينـي

على طاريكْ كِلْ لحظــه .. ولا أحتـاج للتذكيـــر

حَريـصْ القلــب ما ينسَــى عيونِكْ , لا توصينـي

مَحَدْ يِقْـــدَر يعَوِّضْنِي لأنِّكْ .. في عيُوني غيــــر

ومَهْمَــا شِفتْ أنا الفرحَــه .. بدونِكْ ما تسلينـي

أنا جرحتكْ .. وهالغلطـه حبيبي ما لَهَـا تبريـــر

علاقة حُبْ مَجْنُونَــه .. ما بينْ أحزانــي وبينــي

وكيف الحَـالْ وشلوني .. جَوابٍ ما يَبي تفســـير

بدونِــكْ إنتْ , ما تِضْحَكْ حَياتي وترْمِشْ سنيني

مِثلْ شَاعِرْ عِجَزْ يوصَفْ شعُوره وخانه التعبيـــر

أنا ضــايع .. ولا أدري مِنْ فراقِكْ .. أنا وينــي

مِثلْ طيرٍ كِسَــرْ بُعْدِكْ جَناحَه وما قِـدَرتْ آطيـــر

أحَاولْ أبْتِسِمْ وأنْسَى ولكنْ وشْ ينســـينـي..

أشُوفِكْ في صباحي إنتْ مَعْنَى يا صباح الخيـر

وأشُوفِكْ في مَسَائي حِلْم وردي .. لا تصحينــي

تِصَــدِّق .. السَــهَر يَرْسِمْ عيُوني ويتْقِنْ التصـوير

ويشِقْ النُور في صفحة حياتي .. وما ألاقينــي

أنامْ شــلونْ ومشكلتي عِجزتْ ألقى لَهَـا تدبيـر

طِلَــبتْ النُومْ .. لحظاتــه وعيَّى النُـــوم يعطينـي

تغيَّر وجْهَي .. مِنْ أوَّل غيابكْ وإبْتِدَى التأثيـــر

حبيبي .. مِنْ التَّعَبْ كافي خـذيتْ اللِّي يكفينـي

يا أغلى مِنْ رَحَل عنِّي يا كِلْ الحُــبْ والتقديــر

تعَالْ: إنْ كان لِي عِنـــدِكْ مَعَزَّه وكـان تغلينـي

تعَالْ: إنْ كِنتْ تعشقني وإذا فِعلاً تبي لي خيـر

تعَالْ: ومِدْ لِي .. كَـفْ الـــوَصِلْ .. وآمِدْ كَفينـي

إذا كانْ الجِفا واجِـــبْ بدى مِنْ قلبـي التقصيـر

أبيكْ الحِيـــنْ .. تِرجَــعْ لِي ولا تِرجَـعْ تخلينـي

أنا ما أقولْ اللِّي صَار فِيني ما هقيتـه يصيـر

لأنِّي كِنــتْ .. ( مِتأكِدْ ) .. بأنْ البُعـد ينهينـي

11-09-2011, 07:31 AM

اشكرك ع الانتقاء
ننتضر جديدك بشوق
لك تحياتي ومروري المتواضع

11-09-2011, 11:30 AM

11-09-2011, 02:45 PM

اقتباس : المشاركة الأصلية كتبت بواسطة احساس [ مشاهدة المشاركة ]
اشكرك ع الانتقاء
ننتضر جديدك بشوق
لك تحياتي ومروري المتواضع

يسلموو ع مرورك نورتي متصفحي

11-09-2011, 02:46 PM

اقتباس : المشاركة الأصلية كتبت بواسطة عاشقة المستحيل [ مشاهدة المشاركة ]

يسلموو ع تواجدك نورتي متصفحي

11-09-2011, 05:32 PM

شـكــ وبارك الله فيك ـــرا لك ... لك مني أجمل تحية . ابيات متناسقة وابداع رايع جدا تقبل خالص تحياتى
تقبل مررررررررررروووووووووووووورررررررررررررىىىىىىىىىىى ىى وشكرا المغترب

11-09-2011, 05:52 PM

رووووووووووووووووووعة
ربي يسعدك ع الذوق
ماننحرم منكِ يالغلا
ودي وحبي لكِ

11-09-2011, 06:02 PM

كلمات روعة ..~
وآحساس رآآقي ..~
ابدعت بطرحك الذووق ..~
يعطيك العافية ..~
ودي لك ..~

11-10-2011, 03:45 PM

يعجز القلم عن كتابة رد لهذه القصيده
العذبه .. الرائعه .. المبدعه.. المتميزه
حقاً .. أبدعتي كل الإبداع .. إنتقاء روعه
سلمت أناملك الذهبيه
تقبلي اعطر وأرق التحايا القلبيه

11-16-2011, 12:49 PM

يسلمووو ع مروكم نورتم متصفحي

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء

تصدق ولا ماتصدق...

【 منتدى الشعر وهمس القوافي 】