-*™£ منتدى آل شراحيل بفيفاء£™*- - حـب.. من خلف الشاشة !!

- - حـب.. من خلف الشاشة !! (https://www.sh22r.com/vb/sh22r36904/)

حـب.. من خلف الشاشة !!

[table1="width:85%;background-color:black;"]

الا ليت السحاب اللي رشاشه

يريْـح القلب ويْـزيد انتعاشه
يرشرش لين كل ٍ ينتبـه له
ويصحَى كل نـايم من فراشه
أنا ودي نعيش بجـوّ صافي
مثل منهو بصدق الحب عاشه
واظن توافقـيـني ياحبيبه
على ان (الحـب) يكفينا نقاشه
لأنـه في زمنا طاح قدره
ينادونك عليـه .. ويا بلاشه
سماجه .. والسماجه مانبيها
وراس الظبي مانبغى عراشه
عسى يفـداك يا كل امنياتي
ثنين عْـقولهم فيهـا هشاشه
بنيـّه كلها .. حسّ ونعومـه
وجاهـا واحـدٍ كلـه دفاشه
يقلـدها .. ولكنـّه مخفـّه
بدا يرسـل لها قلـب وفَراشه
وطاحوا من غباهم في بعَضهم
وحبّوا بعْضهم من خلف شاشه
وبدا يسرق لها بعض الخواطر
وماتت فيه.. من زود الدباشه
وجاك مدرعم وحالَتـْه حاله
ماباقي غير يعطيها معاشه
تقول انت اول انسانٍ أحبه
ومن حبك يجي قلبي ارتعاشه
ويقول انتي ملاك الزين كله
أحبك وانتي لقلبي حشاشه
تقول انته قمر نوّر حياتي
ويقول انتي لْجميع الغيد باشه
على هالحال قصتهم طويله
يطوّل من عَرَفها فـ اندهاشه
فـداك الشعـر كله ردديها
وغنيها وفي وجهـك بشاشه
لك الحمد ويـَ ربي لاشماته
من اللي صار في عقله هشاشه
والا ليت السحاب اللي رشاشه
يريْـح القلب ويْـزيد انتعاشه
يرشرش لين كل ٍ ينتبـه له
ويصحَى كل نـايم من فراشه