02-23-2012, 01:45 AM
|
#1 | |
 
|
أيـــــــــا م عــــــمـــــــــري
أيـــام عـــمــري صعبه أعيش أيام عمـري بليـاك وأنت الحياة بدون شوفك كآبـه تعال خذني لآخر حـدود دنيـاك مليت أقاسي من زماني عذابـه حاولت لكن ما تحملـت فرقـاك بُعدك عذاب وفي حضورك مهابه للشوق فيني شي لا ماعتقد جـاك حوّل حياتـي للملـل والرتابـه أوقات أشوف إن الغلا ما تعـداك وأحيان أحس إن الهوى للغلابه بين المحال وبيـن خافي نوايـاك حار السؤال ولا لقيت الاجابه كانك تقول هموم وقتـك تقفـاك وش حيلة اللي صار همـه زهابـه يطرد سرابك في متاهات رجـواك نفس الطريق اللي مشيته مشابـه قلبٍ يحبك كيف يسلا وينسـاك ماللفضاء لو شفت دونك رحابـه خليتني عايش على حـد الادراك مثل الجريح اللي تمـادى صوابـه ماحد ٍ ملا عيني من الناس لـولاك في غيبتـك كـل الاوادم تشابـه هذا الشعور اللي من أقصاي ينخاك يبي القليل ومـا عطيتـه رضابـه كل القصايد داخلي همها ارضـاك حبك مدادي لا بغيـت الكتابـه أجيك كلي يـوم كلي فدايـاك كلش يهون الا الحبيـب وغيابـه رد الوفاء والحـب للي تمنـاك قفّى العمر وأحلى ليالي شبابـه جاتك مشاعر مالها غيـر شـرواك دامك ملكت الروح وين الغرابه منقوله... |
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
العرض الشجري
