المشاركة الأصلية كتبت بواسطة ابوعبدالرحمن (المشاركة 371802) القصائد كلها في منتهى الروعه بس في ملاحظه لازم إزالة أي رابط موجود في أي قصيده وخاصه لما تكون صوره نتمنى لك التوفيق والى الأمام تقبل اجمل التحايا

الروعة في مرورك هنا
أنرت الموضوع بإطلالتك الرائعة ..

المشاركة الأصلية كتبت بواسطة الحريصي (المشاركة 371830) اخي بلا ميعاد الحقيقه ان كل القصائد رائعه جداً ذوق عالي واحساس جميل شكراً لانتقاءك الراقي دمت بود وسعاده الحريصي..

قصيدة الصديق
للشاعر فهد الجبر

يا صعب والله ما تحصل لك بها الدنيا صديق=تزرع كثيره للأسف يا قل ما تحصد ثمر
بعض العرب صداقته من وين ما جيته يطيق=اليا نصيته فز فيك وقال تآمرني أمر
لا قال كلمه تمها والا اعتذر عذرٍ يليق=اليا وقف وقفة بطل وان هدّ هدّات النمر
وبعض العرب صداقته ماهي على طول الطريق=يقطع صداقة واحدٍ تقول شايل لك جمر
أما الرفيق اللي يلوذ اليا تنصّاه الرفيق=اضرب على علاقته إكسين بالخط الحمر
وش لك بلحية خوةٍ تمشي على خيط رقيق=مادام ماهي خوةٍ تبقى على مر العمر
يا هيه ياللي مستوي عندي زفيره والشهيق=ان جيت ارد اخشى الندم واليا سكت ادهى وامر
ماني مفرّح شرذمه ولا مزعّل لي فريق=الصبر مفتاح الفرج والسوس ما ضرّ التمر
ما دام يمكن طمرها هو ليه اولعها حريق=بعض السوالف ما لها عند الرجال الا الطمر

ومن يحب الاستماع لها إليكم القصيدة بصوت المبدع صالح آل سالم

http://www.youtube.com/watch?v=gXl_D...layer_embedded

المشاركة الأصلية كتبت بواسطة ابوعبدالرحمن (المشاركة 371846) اخي/بلاميعاد ياليت يكون هذا الموضوع خاص بالقصائد المكتوبه فقط والقصائد المسموعه تكون في القسم الخاص بها فقط نتمنى لك التوفيق والسداد

المشاركة الأصلية كتبت بواسطة عاشقة المستحيل (المشاركة 371870) سلمت يدآكـ على هذآ الإبدآع لآعدمنـآ هذآ التميز يعطيكـ ربي العآفيهـ بـ إنتظارجديدك بكل شوق إحترآمي وتقديري http://www.iraqnaa.com/ico/image/006.gif

ضاعت حلولي من يدي ساعديني=مثل العمي ضاعت عصاةٍ تقديــــه
حيـــــــران والدنـــيا ظلامٍ بعــــيني=عطشان يشرب من غديرك ويظيمه
إن كنت أنا ميت غرام انقذيني=مثل الشجر لامات والغيث يحييه
وإن كنت أنا عاشق خيال ارسميني=طفلٍ يبي شمس الضحى تاصل ايديه
تميت مثل الليل لوني حزيني=يقرا ملامح لوعتي من نظر فيه
ناسٍ عزاز وحبهم يحتويني=أحبهم والحب بانت مواريه
شخص أبيه وشخص عيا يبيني=وشخص يبيني مير عييت مابيه
أضحك على الدنيا واصفق بايديني=ومامر يوم ماضحته وانا ابكيـــــه
قولي معي وش لي بقى في سنيني=والوهم يفني صاحبه قبل يفنيه