شعر في البنات التي تضحك على المراهقين يرسل لها كرت جو

البارحة جاني من الحب مرسال

من عقب ما بيني وبينه خصيمة

وانا ترى في الحب مانيب فعّال

ولا بعد ولّع بقلبي هشيمه

ولا بعد غنّيت في ساعة وصال

ولا بعد ذقت الفراق وجحيمه

ولا جرى دمعي على الخد همّال

ولابعد جربت مرّ الهزيمة

حتى وردني تالي الليل جوال

وانا على شاهي وبسكوت ديمة

الرقم بايخ لكن الصوت قتال

كنه مثل صوت المذيعة حليمة

قالت مساء الخير يا طيّب الفال

قلت ارحبي ترحيبةٍ مستديمة

بالعود والصفري ودلة وفنجال

واجبك يا بنت الأصول الكريمة

ردت بضحكة ثم قالت وش الحال؟

قلت اشهد إن الحال عقبك سقيمة

قالت وهي تضحك بعد مثل الأطفال

وانا بعد كني بدونك يتيمة

من يوم قالتها تزلزلت زلزال

من فجعتي كني مسوي جريمة

قلت ارفعي صوتك ترى مابه ارسال

كذاب لكنّ المصيبة عظيمة

قالت أقول اسمع ترى هرجنا طال

ممكن تصاحبني تراني وسيمة

واسمي الحقيقي أول حروفه الدال

لكن يسمّوني البنات الزعيمة

صحيح أحب الفخفخة واعشق المال

لكن تراني طاهرة مستقيمة

ما عندي امغازل ولا (لعب يهّال)

ما عندي إلا في الشرف والحشيمة

بس الصراحة قلبي لشوفتك مال

واصبحت وحدك جالسٍ في صميمه

فكّر بعقلك واترك القيل والقال

واحذر تطيع اهل العقول العقيمة

وارسل علي الحين خمسمية ريال

أشحن بها جوال أختي غنيمة

أو طقم غالي فيه خاتم وسلسال

أروح به في عرس ولاّ عزيمة

قلت الحقيقة مانيب رجل أعمال

ولاني بتاجر والموارد عديمة

أنا الصراحة شبه عطّال بطّال

وعلاقتي بالفقر جداً حميمة

والراتب الله يرحم الحال ما زال

محدود والمصروف ربي عليمه

والدين بالآلاف والبنك شغّال

ياكل فلوسي بالربا والظليمة

والسوق طايح والغلا ضيّق البال

والموت والله صاير اكبر غنيمة

قالت تحمّل بس والحمل ينشال

خلك شديد الباس صلب العزيمة

ياخي تصرّف جعلك اتصير نشّال

أهم شي إن النوايا سليمة

لابد تفهمني على كل الأحوال

ما دمت من أهل العقول الفهيمة

قلت إيه والله فاهم اللي على البال

لكن ترى هذي علينا قديمة

يا بنت هذا صاير اليوم موال

للي تب تلعب على ابن اللئيمة

يا بنت ما تدرين كم فيه محتال

يلعب على الحبلين وانتي غشيمة

يا بنت كم من جاهلة دمعها سال

من عقب ما جات العواقب وخيمة

والبنت لا اقفى عرضها بيد الأنذال

والله ما يبقى لها أي قيمة

قالت تبي ولاّ فخلّك على جال

مهوب ناقصي نصايح حكيمة

عز الله إنك للأسف منت رجّال

وانك قليل الذوق ما فيك شيمة

يا لعنبو اللي ما يسطّرك بنعال

حتى يعلمك الغزل يا بهيمة

( تفو ) عليك وصكّت الخط في الحال-

لبيك
يعطيكَ الفَ عآفيهَ علىَ هآلآبيآتَ الرآئعهَ
ذآئققهَ ششعريهَ مميزهَ
لـآ عدمنآ موآضضيعكَ يَ ربَ
دمتَ بَ سسعآدهَ

<IFRAME height=250 src="http://im20.gulfup.com/2012-05-23/1337728630772.swf" width=600 quality="high" loop="false" menu="false" TYPE="application/x-shockwave-flash" AllowScriptAccess="never" nojava="true"></IFRAME>

كلماات جميله وعذبه
يسلمو على الانتقاء الراقي
لا حرمنا جديدك
ل قلبك السعاده

ماعليش استاذه الحياه حلوه
ههههه صرت ارد عليك بحذرتغيرت عليه الصوره الرمزيه ههههه
اقول من هي ذي البنت ههههمن ايا قرى الشام ههههه شكرا
مرورك اسعدني ربي يخليك

عاشقة المستحيل
يامرحبا ويامسهلا
ياشمعة الفلاههههههه صارت اغنية عزيزه جلال هههه لاهيام يونس صح
شكرا على تواجدك الله يعافيك
اخوك
لبيك

يعطيك العافيه على الانتقاء الراقي
ماننحرم من جديدك وعطائك
أسعدك الرحمن

أخـــي (( لـبـيــك ))


مـبــدع دااائــمـــا بــإطــروحـــااااتــك الـشيـقـــهـ
كـلـمــاااتــك راااقــت لــي كـثـيــرااا تــأمـلــت
فـيـهــا ووجـدت فـيـهــا أعــذب الإحـســـاااس
والـمـشــاااعــر .. دمــت يــا أخــي ولــك أرق
وأجـمـل ** الـتــحــــااايـــا الـقـلـبــيـــهـ **


أخـــوووك ((** أبــوووغــــــــــلاااااااء **))

لبيك يالحد الجنوبي
قصيده رائعة ومميزه
من اجمل القصائد التي قرأتها هنا
اشكرك من كل قلبي
تحياتي لك
بقايا إنسان

اقتباس : المشاركة الأصلية كتبت بواسطة آحسآس آنثىآ [ مشاهدة المشاركة ]

يعطيك العافيه على الانتقاء الراقي ماننحرم من جديدك وعطائك أسعدك الرحمن

الله يسعدك
استاذه احساس نثى
مرورك غالي بارك الله فيك تقديري
لبيك

ابوغلا
مرورغالي لك التقديرولاحترام
من اخوك
لبيك