ردا على مجارات الحريصي

يابوعلي ماعاد لي نفس ٍ تطيق=كل ماجيت افرح هج مني الامل
وكل ما دورت للفـَرح يمي طريق=غاب القمر ونجمي بالسما ظل
شكل العشق ماهو من حظ العشيق=خلاص انا مليت والقلب والله مل
صديقك يالحريصي محتاج لصديق=يوصله يم الفاتنه بنت الجبل
مايبغى نصايح ولا هرجن عميق=يبغى وسيله توديه لبنت الاصل
ترى مايتعب الورد ثقل الرحيق=وماينقص الشهد من اكل النحل
والرجل لوماله بهالدنيا رفيق=يعيش مهموم ويقضي عليه الملل
ماراح يطفي بدمعه نار الحريق=وحتى لويشرب من صافي العسل
مااظنه يمشي مع العالم طليق=ولو قالو عنه الناس هذا بطل
انا حياتي اصبحت آهات وشهيق=ثقلت اقدامي والخوف من الشلل
ونومي كله ساعه وبسرعه افيق=وضاق الصدر وزاد فيني الكلل
وليتها جت على ان صدري يضيق=مير البلا اللي جاني من العلل
وان قلت اطيعك واترك ذاالطريق=قلبي مايقوى ودوم اعلن للفشل
لو بدلوني بذهب وانواع العقيق=منسى حبها ومنسى كفها والقبل
لاتحاول ياصديقي واخويه الشقيق=مالي استطاعه ولا قلبي يحتمل
هذا ماعندي ولا اقبل اي تعليق=وينها بس تشوف كيف جسمي نحل
وتجي تداويني بقبله على الريق=وان ماجتني عزالله اني بغدي فلل