نبراس الامن

ياقصيدي توجه صوب رمز البساله
شبل نايف محمد عزنا والجناح

سيدي حصن دار العز راس الشكاله
نجم فوق المجره من عرين الصلاح

داحرالمجرمين الهوج روحي فداله
عزشبه الجزيره في الليال الشحاح

ياوجيه القشاره والخزي والنذاله
مايهزالرواسي البا سقات النباح

كيد كم رده الله ياكلاب الضلاله

في نحركم ونج الشيخ والكلب راح

راح سبعين قطعه تب والنارفاله
خاين الدين والأمه تمزق وطاح

جل قاصم فلول الشر جل جلاله
ناصرالحق مخزي المارقين القباح

يانجوس الطويه مانخاف الحثاله
صاملين وعدانا في مهب الرياح

كلنا يا بها يم دونكم لا محاله
شعب واسيادنا بيض الوجيه الملاح

نايف الراس ومحمد شموخ الأصاله
في نحورالخوارج يغرسون الرماح

وأحمد الله على منجاة خير السلاله
كايد الضد نبراس الأمن والنجاح

ثم أهني سموك يازعيم الرجاله
بالسلامه وبارك لك بهاك الوشاح

جاك من يد عمك شيخنا طاب حاله
قلدك وانتشينا وفل جازان فاح

ويوم نجاك ربي شر ذاك الزباله
من فرحنا دموع الكل يانمرساح

وختم قافي تقبل يامحمد جزاله
والعذر والسموحه بارق الفجرلاح

الحمد لله على سلامة سمو الامير