لاتحسـب ان الليـالي كل ابوهاعـابره

12-27-2012, 08:06 AM


	يسعد اوقاتكم .. بكل رضى وعافيه وحياكم الله جميع /// ياوسيع الخاطر اللي مابقى في خاطره غير مايبقى من التقدير للشخص البخيل وياكريم البارق اللي مابقى بماطره غير شيّن لو يهله ماغسل دم القتيل حسبي الله والعزايم في محيط الذاكره طيبها ماعاد تكفي مدته عابر سبيل لاذكرت اللي مضى لي والسنين الغابره زادت العله وقلة حيلة القلب العليل استحى يومي من أمّسه وأبتلش في باكره واكتفى عزمي من الشكوى بعبراتٍ تسيل كل ما أسندت الملامه عوّدت لي حادره لأني اللي طمّع الكبريت في راس الفتيل طيبي اللي بشّر المخطي بأني عاذره أرغم رجولي على المسرى على الدرب الطويل كنت أوزع نوم عيني للعيون الساهره لين مابقّـــــيــت لعيوني سبات ولا مقيــــــــل كنت أحسب إني ظمنت أثمار غرسٍ باذره وأثر ميلات الليالي طيّرت كل الحصيـــــــــــل طعنةً ماكنت أحسب حسابها في العاشره أخلفت كل الهقاوي يوم وردّها جليـــــــل ليتها جتني وأنا بين الكفوف الآسره طعنةً تشفي غليل ومــا يسربها خليــــــل لكن اللي جابت الطعنه بوسط الخاصره كفٍ تصافح يميني كل صبح وكل ليـــــل ليت فيها ربح لا واللي خلقني خاسره من طمع في صبح غيره والله إن يمسي هزيل جبتها في قلبي اللي كل همي ساتره قلبي اللي كل ماحطيت بشداده يشيــــّل قال ماشفت البحور اللي تشيل الباخره وش تسوي بالحصاة اللي من كفوف الدخيل لاتحسب ان الليالي كل ابوهاعابره بعضها يمضي مثل مايمضي السيف السقيل كم هالدنيا تواجه من كفوفٍ ماكــــره بقّ من صبرك بقايا يسعفك وقت الرحيـــل ولاتحسب الطيب عيب ولو شخوصه نادره عادة العايب كثير وعادة الصايب قليــــــــل وموتة اليمنى القويه من يسارٍ غادره بينت ضعف اليمين وما أعطت اليسرى جميل ! لكن أفطن بالزمان وخل عينك حـــادره كم طيرٍ حر بالغدوه وبالروحه حبيـــــــــــــــل لوعطاك العُمر مده لين يوم الآخــــره مالقيت اللي يكرر فزعته مع كل ميــــــــل ولو عطيت العُمر كله والاراضي بايره جفّت آبار العيون وماجنيت المستحيــــــل ! شف وسيع الخاطر اللي مابقى في خاطره غير مايبقى من التقدير للشخص البخيـــــل ولاتلوم البارق اللي مابقى بمـــــاطره غير شيّن لو يهلّه ما غسل دم القتيــــــــــــل لين صار أقوى العزايم في محيط الذاكره طيبها ماعاد تكفي مدته عابر سبيــــــــــل لا تحسبوني حزين ولو دموعي حادره دمعةٍ صحّت خفوقي للفرح أكبر دليـــــــــــل ... ... وسسلامتكم ابيات نالت الاعجاب والذائقة اتمنى لكم اطيب وامتع الاوقات بمتصفحي المتوآضع الذي يشرق برؤية توآجدكم بطيب ردكم دمتم جميعا في حفظ الرحمن

12-27-2012, 02:18 PM

الله يعطيك العافيه على هذا الطرح الرائع ..

سعدت جداً بتواجدي بين طيآت متصفحك العطر ..

بإنتظآر جديدك القادم بكل شووق ..

12-27-2012, 03:39 PM

الله يعطيك العافيه
طرح راائع وجميل
لا عدمنا جديدك

12-27-2012, 10:26 PM

لاهنتي يعطيك العافيه على طرح هذه
القصيده التي تخطت عنان السماء
بروعتها وبريقها أبيات اكتست
بالجماليه وتحلت بالإبداع
دام نبض قلمك اعجبتنا
وحازت على رضانا
ودي واحترامي